یمن کے صوبے شبوہ میں متحدہ عرب امارات کے 90 آلہ کار ہلاک
شیعیت نیوز: یمنی فوج اور عوامی رضاکار فورسز انصار اللہ نے تیل سے مالامال صوبے شبوہ میں متحدہ عرب امارات کے 90 آلہ کار ہلاک کر دیئے۔
فارس خبر رساں ایجنسی کی رپورٹ کے مطابق یمن کے فوجی ذرائع نے کہا ہے کہ یمنی فوج اور عوامی رضاکار فورس نے گزشتہ 24 گھنٹوں کے دوران صوبے شبوہ میں سعودی اتحاد کے فضائی حملوں کو ناکام بنایا جبکہ متحدہ عرب امارات کے آلہ کاروں ’’العمالقہ‘‘اور یمنی فوج اور عوامی رضاکار فورسز کے مابین ہونے والی جھڑپوں میں متحدہ عرب امارات کے 90 سے زائد آلہ کار ہلاک اور درجنوں زخمی ہوئے۔
یہ بھی پڑھیں : متحدہ عرب امارات نے یمن کے آگے گھٹنے ٹیک دیئے، میزائل حملے روکنے کی التماس
واضح رہے کہ 2 روز قبل صوبے شبوہ میں سعودی عرب کے آلہ کاروں اور یمنی فوج اور عوامی رضاکار فورسز انصار اللہ کے مابین ہونے والی جھڑپوں میں سعودی عرب کے 120 آلہ کار ہلاک و زخمی ہوئےاور ان کی 12 فوجی گاڑیاں تباہ ہوئیں۔
سعودی عرب نے، امریکہ اور بعض دیگر ملکوں کے حمایت سے یمن کو پچھلی کئی برس سے جارحیت کا نشانہ بنانے کے علاوہ اس ملک کا زمینی، فضائی اور سمندری محاصرہ بھی کر رکھا ہے۔ سات سال سے زائد عرصے سے جاری سعودی امریکی جارحیت اور محاصرے کے نتیجے میں دسیوں لاکھ یمنی شہری، شہید، زخمی، بیمار یا متاثر ہو چکے ہیں۔
قابل ذکر بات یہ ہے کہ امریکی حمایت سے یمنی عوام پر سعودی اتحاد کی وحشیانہ ترین جارحیت کے باوجود یہ فوجی اتحاد اب تک یمن میں اپنا کوئی بھی مقصد حاصل نہیں کر سکا ہے۔
