بھوک ہڑتالی فلسطینی قیدی ابو ہواش کی رہائی کی ڈیل پر حماس کی مبارک باد

شیعیت نیوز: اسلامی مزاحمتی تحریک حماس نے اسرائیلی زندانوں میں قید مجاہد قیدی ابو ہواش کی 141 روزہ بھوک ہڑتال کے بعد ان کی رہائی کی ڈیل پر انہیں مبارک باد پیش کی ہے۔

اسلامی جہاد سے تعلق رکھنے والے قیدی  ابو ہواش اور اسرائیلی حکام کے درمیان طے پائے معاہدے کے تحت ابو ہواش کو 26 فروری 2022ء کو رہا کردیا جائے گا۔

رپورٹ کے مطابق حماس کی طرف سے جاری ایک بیان میں کہا گیا ہے کہ جماعت ابو ہواش کو قوم کا ایک ہیرو سمجھتی ہے۔

یہ بھی پڑھیں : ہشام ابو ہواش کی بھوک ہڑتال ختم کرنے کی ڈیل پر اقوام متحدہ کا خیر مقدم

حماس کے بیان میں کہا گیا ہے کہ ابو ہواش کی فتح نے صیہونی دشمن کے غرور اور طاقت کے گھمنڈ کو خاک میں ملانے کی مثال ہے۔

حماس بہادر فلسطینی مجاہد کی طویل، تکلیف دہ اور صبر آزما بھوک ہڑتال کے بعد رہائی کے لیے اسرائیل کو گھٹنے ٹیکنے پرمجبور کرنے پرخراج تحسین پیش کرتے ہوئے مبارک باد پیش کرتی ہے۔

حماس کے بیان میں مزید کہا گیا ہے کہ فلسطینی قوم کو ہشام ابو ہواش جیسے بہادر سپوتوں پر فخر ہے جو خالی پیٹ دشمن کے خلاف آزادی کی جنگ لڑتے ہیں۔

یہ بھی پڑھیں : شیعوں کو امام علی علیہ السلام کی سیرت کا عملی نمونہ ہونا چاہیئے،آیت اللہ شہریاری

حماس کے بیان میں مزید کہا گیا ہے کہ قیدی ابو ہواش کی یہ فتح ہماری فلسطینی قوم میں موجود اس کی مخفی طاقت کا ثبوت ہے جو قابض دشمن کی جارحیت خلاف ہر محاذ میں کامیابی کا ثبوت ہے۔

خیال رہے کہ اسیر ہشام ابو ہواش نے انتظامی قید کے خلاف بہ طور احتجاج مسلسل 141 دن بھوک ہڑتال جاری رکھی جس کے بعد اسرائیلی حکام کو اس کی رہائی پرمجبور ہونا پڑا ہے۔ ابو ھواش کو 26 فروری کو رہا کیا جائے گا۔