بغداد میں مزاحمتی شہداء کی دوسری برسی پر کئی ملین افراد کا اجتماع
شیعیت نیوز: عراق کے دارالحکومت بغداد میں شہید قاسم سلیمانی اور شہید ابو مہدی مہندس کی دوسری برسی کے موقع پر کئی ملین افراد نےاجتماع میں شرکت کی اور شہداء کو خراج عقیدت پیش کیا۔
فاتح کمانڈروں حج قاسم سلیمانی اور ابو مہدی المہندس کی شہادت کی برسی کے موقع پر ہزاروں عراقیوں نے شہید ابو مہدی المہندس اسٹریٹ (بغداد انٹرنیشنل ایئرپورٹ اسٹریٹ) پر ان کی شہادت کے مقام پر حاضری دی اور ان کی یاد میں شمعیں روشن کیں۔
عراق کی رضا کار فورس حشد الشعبی نے کل ایک بیان میں عوام سے اپیل کی تھی کہ وہ شہید قاسم سلیمانی اور شہید ابو مہدی مہندس کی دوسری برسی میں بھر پور شرکت کرکے انھیں خراج عقیدت پیش کریں اور ملک سے امریکہ کی دہشت گرد فوج کے خارج ہونے کے سلسلے میں اپنے غم و غصہ اور احتجاج کا اظہار کریں۔
ابو علی الکوفی ، ڈپٹی چیف حشد الشعبی نے تقریب میں العالم نیٹ ورک کے ساتھ ایک خصوصی انٹرویو میں کہا کہ اس ملاقات کا مقصد یہ ہے کہ جن مجرموں نے یہ جرم کیا ہے انہیں یہ کہنا ہے کہ ہم اسی جگہ پر ہیں جہاں سے جہاد اور مزاحمت جاری ہے اور ہم شہداء کے راستے پر چلتے رہیں گے۔
اگر یہ شہید نہ ہوتے تو کیمپ اب ہمارے بے گھر خاندانوں، عورتوں اور بچوں سے بھرے ہوتے، اگر یہ نہ ہوتے تو بغداد ایک اور حلب بن جاتا اور عراق لٹ جاتا اور پورا خطہ اندھیروں میں ڈوب جاتا۔
انہوں نے کہا کہ شہید سلیمانی اور ابو مہدی المہندس ڈیڑھ سال تک اس تکفیری تحریک کے خلاف گھر جلانے کی جنگ میں کھڑے رہے، جسے عالمی استکبار کی حمایت حاصل ہے۔
یہ بھی پڑھیں : شہید سلیمانی نے میدان رزم اور سفارت کاری کے درمیان اچھا اور بہترین رابطہ قائم کیا، جنرل قاآنی
الکوفی نے نشاندہی کی کہ عراق کے دشمن چاہتے تھے کہ اس ملک میں جنگ 10 یا 20 سال تک جاری رہے لیکن حاج قاسم سلیمانی اور ابو مہدی المہندس کی کوششوں اور اسلامی جمہوریہ ایران اور تمام معززین کی مدد سے اس سازش کو شکست ہوئی۔
انہوں نے کہا کہ حج قاسم سلیمانی مشکل حالات میں عراق کی مدد کے لیے پہنچے، جب عراق ایک کلاشنکوف بھی فائر نہیں کر سکتا تھا۔
شہید قاسم سلیمانی اور شہید ابو مہدی مہندس کی دوسری برسی کے شرکاء نے امریکہ کے سابق صدر ٹرمپ کو سزا دینے کا مطالبہ کرتے ہوئے کہا کہ ٹرمپ نے عراق کے وزیر اعظم کی سرکاری دعوت پر آنے والے مہمان کو شہید کیا ۔
مظاہرین نے شہید سلیمانی اور شہید ابو مہدی مہندس کے بہیمانہ اور بزدلانہ قتل میں ملوث تمام افراد کو کیفر کردار تک پہنچانے کا مطالبہ کرتے ہوئے عراق سے امریکی فوج کے فوری نکلنے پر زوردیا ہے۔ حشد الشعبی کے سربراہ فالح الفیاض ، ہادی عامری ،شیخ قیس الخزعلی اور ابو فدک المحمداوی بھی مظاہرین کے ساتھ ساتھ تھے۔
