سعودی عرب کے مجاہد عالم دین شہید شیخ باقر نمر کی چھٹی برسی کے پروگرامات

شیعیت نیوز: آل سعود حکومت کے ہاتھوں سعودی عرب کے مجاہد عالم دین آیت اللہ شیخ نمر باقر النمرکو بے دردی کے ساتھ شہید کر دیئے جانے کی چھٹی برسی کے پروگرام کا اعلان کر دیا گیا ہے۔

فارس خبر رساں ایجنسی کی رپورٹ کے مطابق سعودی عرب کے ممتاز عالم دین اور اس ملک کے شیعہ مسلمانوں کے قائد آیت اللہ شیخ نمر باقر النمرکی چھٹی برسی 27 دسمبر سے 3 جنوری تک منائی جائے گی۔

اس بیان میں عالمی اداروں سے کہا گیا ہے کہ وہ آل سعود کی حکومت پر دباؤ ڈالے تا کہ وہ شہید آیت اللہ شیخ نمر باقر النمرکے جسد خاکی کو ان کے اہل خانہ کے حوالے کرے۔

سعودی عرب کے مجاہد عالم دین شہید آیت اللہ نمر باقر النمر کے فرزند محمد النمر نے اپنے والد کی شہادت پر عالمی اداروں اور مغربی ممالک کو تنقید کا نشانہ بناتے ہوئے کہا کہ انہوں نے سعودی عرب کی انسانی حقوق کی کھلم کھلا خلاف ورزیوں پر ڈرامائی خاموشی اختیار کی ہوئی ہے۔

یہ بھی پڑھیں : ماڈرن ازم کے نام پر سعودی عرب کی مقدس سرزمین پر جمعہ کے مقدس روز شرمناک کام کی انجام دہی کا فیصلہ

شہید آیت اللہ شیخ نمرنے کبھی بھی عوام کو مسلح جدوجہد کی دعوت نہیں دی اور نہ ہی انہوں نے نوجوانوں کو ہتھیار اٹھانے کی آشکارا یا مخفیانہ تشویق کی، وہ صرف آشکارا طور پر آل سعود کو اس کی ذمہ داریوں سے آگاہ کرتے تھے وہ آشکارا امر باالمعروف اور نہی عن المنکر کر رہے تھے اور شیخ باقر المنر کو اسی امر باالمعروف اور نہی عن المنکر کے جرم میں شہید کیا گیا۔

واضح رہے کہ سعودی عرب کی حکومت نے 2 جنوری 2016 کو بے بنیاد اور من گھڑت الزامات کے تحت سعودی مجاہد عالم دین آیت اللہ نمر باقر النمر کا سرقلم کردیا تھا جس پر مختلف ممالک نے اپنے شدید رد عمل کا اظہار کیا اور عالمی سطح پر احتجاجی مظاہرے ہوئے۔