قومی ایئر لائن پی آئی اے جنوری 2022ء سے مشہد تا کراچی براہ راست پروازیں شروع کرے گی
شیعیت نیوز: قومی ایئر لائن کے چیف ایگزیٹو افسر ایئر مارشل ارشد ملک سے ایرانی سفیر محمد علی حسینی نے ملاقات کی۔ اس دوران ایرانی شہر مشہد سے کراچی کیلئے براہ راست پروازوں پر اتفاق ہوا۔
تفصیلات کے مطابق ایئر مارشل ارشد ملک اور ایران کے سفیر محمد علی حسینی کے درمیان ہونے والی ملاقات کے دوران ہوا بازی کے شعبے میں دوطرفہ تعلقات پر تبادلہ خیال اور دوطرفہ تعاون بڑھانے پر بھی تبادلہ خیال کیا گیا۔
ایران اور پاکستان نے مشہد سے کراچی کے لئے براہ راست پروازیں شروع کرنے پر اتفاق کیا ہے، جس کا مقصد دونوں ہمسایہ ممالک کے درمیان عوام کے درمیان روابط اور سیاحت کو فروغ دینا ہے۔
پی آئی اے جنوری 2022ء سے شمال مشرقی ایران کے شہر مشہد سے کراچی کے لئے براہ راست پروازیں شروع کرے گی۔
ترجمان پی آئی اے کا کہنا ہے کہ کراچی سے مشہد کی براہ راست پروازوں کے آغاز سے دونوں ہمسایہ ممالک کے مختلف گروپوں کی ایک دوسرے کے ممالک میں نقل و حرکت میں اضافہ ہوگا، جس میں ایران میں مقدس مقامات کی زیارت اور تجارتی و تجارتی وفود کا تبادلہ بھی شامل ہے۔
یہ بھی پڑھیں : یمن میں سات ہزار سے زائد نوجوان جوڑوں کی اجتماعی شادی
قومی ایئر لائن کے ترجمان نے مزید کہا کہ پی آئی اے زائرین کی سہولیات کے لئے شام، عراق اور ایران کے سیکٹر پر پروازوں میں اضافہ پر بہت زیادہ توجہ دے رہا ہے، تمام مقدس مقامات پی آئی اے کے نیٹ ورک میں آجائیں گے۔
دوسری جانب اقوام متحدہ کے امن مشن میں خدمات کی انجام دہی کے دوران حوالدار محمد شفیق شہید ہوگئے۔ شہید کو میاں چنوں میں پورے فوجی اعزاز کے ساتھ سپرد خاک کردیا گیا۔
آئی ایس پی آر کے مطابق یو این مشن سینٹرل افریقن ریپبلک میں خدمات کی انجام دہی کے دوران پاک فوج کے حوالدار محمد شفیق شہید ہوگئے، حوالدار شفیق کی نماز جنازہ میاں چنوں میں ادا کر دی گئی۔
شہید کو پورے فوجی اعزاز کے ساتھ سپرد خاک کردیا گیا، حوالدار شفیق نے پسماندگان میں بیوہ اور 3 بچے چھوڑے ہیں، حوالدار شفیق فروری 2021ء میں یو این مشن میں شامل ہوئے تھے۔
واضح رہے کہ اب تک 162 پاکستانی اہلکار امن مشنز میں خدمات کے دوران شہادت نوش چکے ہیں۔
