عرب اسرائیل فوجی مشقیں خنجر گھونپے جانے کے مترادف ہیں، حزب اللہ رہنما نبیل قاووق
شیعیت نیوز: حزب اللہ لبنان کی مرکزی کونسل کے رہنما نبیل قاووق نے کہا ہے کہ عرب اسرائیل فوجی مشقیں بیت المقدس، فلسطین اور علاقے کی تمام اقوام کے قلب میں خنجر گھونپے جانے کے مترادف ہیں۔
حزب اللہ لبنان کی مرکزی کونسل کے رکن شیخ نبیل قاووق نے اتوار کے روز غاصب صیہونی حکومت کے ساتھ بعض عرب ملکوں کی مشترکہ فوجی مشقوں کے انعقاد پر مبنی رپورٹوں پر ردعمل کا اظہار کرتے ہوئے کہا ہے کہ اس قسم کی فوجی مشقیں، لبنان اور فلسطین کے خلاف غاصب صیہونی حکومت کی جارحیت بڑھنے کا باعث بنیں گی۔
یہ بھی پڑھیں : صیہونی بستیوں میں کاروبار روکنے والی کمپنی کو نیویارک اسٹیٹ کی وارننگ
انھوں نے کہا کہ یہ فوجی مشقیں غاصب صیہونی حکومت کے ساتھ تعلقات برقرار کرنے والے حکمرانوں کی پیشانی پر کلنگ کا ٹیکہ ہوں گی۔
حزب اللہ کے رہنما نبیل قاووق نے کہا کہ تحریک مزاحمت کے پاس موجود ہتھیار، غاصب صیہونی دشمن کا مقابلہ کرنے کے لئے ہیں اور ان ہتھیاروں کا بہر صورت تحفظ کیا جائے گا۔
انھوں نے کہا کہ غاصب صیہونی حکومت کے مقابلے میں حزب اللہ لبنان کی دفاعی و فوجی طاقت و توانائی میں مسلسل اضافہ ہوا ہے اور جنوبی لبنان، لبنانی فوج، قوم اور تحریک مزاحمت کے دفاع کی فرنٹ لائن ہے۔
