انتہا پسند صیہونیوں کا غاصب حکومت کی ایماء پر ایک بار پھر مسجد اقصیٰ پر حملہ

شیعیت نیوز: انتہا پسند صیہونیوں نے غاصب صیہونی حکومت کی ایما پر ایک بار پھر مسجدالاقصی پر حملہ کر دیا۔فلسطین الیوم کی رپورٹ کے مطابق انتہا پسند صیہونیوں نے ایک بار پھر مسجد الاقصی کی بے حرمتی کرتے ہوئے اس کے صحن پر دھاوا بول دیا اور اسلام مخالف نعرے لگائے. مسجدالاقصی پر انتہاپسند صیہونیوں کے حملے کے بعد فلسطینی شہریوں اور غاصب صیہونیوں کے درمیان شدید جھڑپیں شروع ہو گئیں۔

یہ ایسی حالت میں ہے کہ فلسطین کے استقامتی محاذ حماس کے رہنما محمد حماده نے چند روز قبل کہا تھا کہ اگر مسجد الاقصی پر غاصب و انتہا پسند صیہونیوں نے جارحیت کی تو فلسطینیوں کو احتجاج کی کال دی جائے گی۔

یہ بھی پڑھیں: یمنیوں کی مار نے سعودی عرب کوایکبار پھر امریکا سے مدد مانگنے پر مجبور کر دیا

محمد حمادہ نے زور دے کر کہا ہے کہ تحریک حماس پوری طرح مسلح ہے اور آزادی فلسطین کے لئے اپنی تیاریاں جاری رکھے گی۔ انھوں نے ایک بار پھر پورے فلسطین کو آزاد کرانے کے حوالے سے حماس کی جانب سے قومی عزم کی پابندی پر زور دیا۔ انھوں نے کہا کہ مسلمانوں کے قبلہ اول مسجد الاقصی کے تحفظ کے لئے کسی بھی اقدام سے گریز نہیں کیا جائے گا۔