ترک حکومت آمرانہ رویہ اختیار کئے ہوئے ہے، ہم مرعوب ہونے والے نہیں، ڈیوڈ ساسولی

شیعیت نیوز: ترک صدر رجب طیب اردوغان کے امریکہ، کناڈا، نیوزیلینڈ اور 7 یورپی ملکوں کے سفیروں کو اپنے ملک سے نکالنے کے حکم پر یورپی پارلیمنٹ کے سربراہ ڈیوڈ ساسولی نے ٹویٹر پر اپنا ردعمل ظاہر کیا۔

انہوں نے ٹویٹر پر اپنے رد عمل میں لکھا: 10 سفیروں کا نکالنا ترک حکومت کے آمرانہ رویہ کی نشانی ہے، ہم مرعوب ہونے والے نہیں ہیں۔

یہ بھی پڑھیں : ترک وزارت خارجہ بھی اردوغان کو فیصلے پر نظر ثانی کرنے پر راضی نہیں کر سکے

ڈیوڈ ساسولی نے اپنے ٹویٹ میں عثمان کاوالا کی رہائی کا مطالبہ کیا۔ یاد رہے کہ ترک صدر نے سنیچر کے روز کہا تھا کہ دس ملکوں کے سفیر نا مطلوب عناصر قرار دیئے جائیں گے۔

قابل ذکر ہے کہ امریکہ، کینیڈا، نیوزیلیند اور سات یوروپی ملکوں فرانس، فنلینڈ، ڈنمارک، جرمنی، ہالینڈ، ناروے اور سویڈن نے پیر کے دن ایک بیان میں عثمان کاوالا کے معاملے کی عادلانہ طریقے سے تحقیقات کا مطالبہ کیا تھا۔ عثمان کاوالا ترکی کی سول سوسائٹی کا معروف چہرہ اور انقرہ حکومت کے سخت مخالفوں میں شمار ہوتے ہیں جنہیں 2016 کی ترکی میں ناکام فوجی بغاوت میں ملوث ہونے کے الزام میں جیل میں ڈال دیا گیا۔

یہ بھی پڑھیں : جوہری ٹیکنالوجی کے سلسلے میں عالم اسلام کے ساتھ تعاون کو تیار ہیں، بہروز کمالوندی

اس تعلق سے یورپی یونین کی شورا نے حال ہی میں ترکی پر پابندیاں لگانے کی بھی دھمکی دی ہے۔ منگل کے روز انقرہ نے ان دس ملکوں کے سفیروں کو طلب کر، عثمان کاوالا کی آزادی کی ان کی درخواست کو مسترد کر دیا تھا۔ اردوغان کی حکومت نے 64 سال کے کاوالا پر سنہ 2013 میں ترکی میں ثبات کو درہم برہم کرنے کا الزام لگایا تھا۔