فوج کی آمد کے باوجود برطانیہ میں ایندھن کی قلت کا بحران جاری

شیعیت نیوز: فوجی طلب کرلیے جانے کے باوجود برطانیہ میں ایندھن کی قلت سے پیدا ہونے والا بحران بدستور باقی ہے۔

برطانوی خبر رساں ادارے رائٹرز کی رپورٹ کے مطابق، جنگ سے خستہ حال فوجی سرکاری احکامات کی تعمیل کے لیے پیر کے روز برٹش پیٹرولیم کے ذخائر تک پہنچے ہیں تاکہ ملک کو درپیش ایندھن کی قلت پر قابو پایا جا سکے۔

رپورٹ کے مطابق برطانیہ کی یورپی یونین سے علیحدگی اور کورونا وائرس کے پھیلاؤ نے ملک میں گوشت، پیٹرول اور دودھ دھی سمیت سبھی ضروری اشیا کی سپلائی کے پورے نظام کو افرادی قوت کی کمی سے دوچار کر دیا ہے۔

برطانیہ میں تیل کی سپلائی میں خلل کے دوران، پیٹرول اسٹیشنوں پر عوام کے ہجوم کے باعث اس ملک کے مختلف شہروں میں افراتفری کا ماحول رہا ہے۔ بعض لوگوں کو پیٹرول کے حصول کے لیے لڑائی جھگڑا کرتے اور پانی کی خالی بوتلوں میں پیٹرول بھرتے بھی دیکھا گیا۔

پیٹرول پمپ ایسوسی ایشن کے مطابق لندن اور ملک کے جنوب مشرقی علاقوں میں بائیس فیصد سے زیادہ پیٹرول اسٹیشن ایندھن نہ ہونے کے سبب بند ہو گئے ہیں اور یہ صورتحال مزید ایک ہفتہ یا دس دن جاری رہنے کا امکان ہے۔

یہ بھی پڑھیں : کابل میں روسی سفارت خانے کے قریب 8 داعشی عناصر ہلاک و زخمی

اگرچہ حکومت برطانیہ ایندھن کی قلت اور بریگزٹ کے درمیان تعلق کی تردید کرتی ہے اور ڈرائیوروں کی کمی کو عالمی مسئلہ قرار دے رہی ہے تاہم، برطانیہ کے پڑوسی یورپی ملکوں میں کہیں بھی پیٹرول اسٹیشنوں پر لوگوں کی لمبی لمبی قطاریں کہیں دکھائی نہیں دیں۔

دوسری جانب سید الشہداء حضرت امام حسین علیہ السلام اور ان کے اصحاب باوفا کے چہلم کی مناسبت سے برطانیہ کے دارالحکومت لندن میں عظیم الشان اربعین واک کا اہتمام کیا گیا۔

سید الشہداء حضرت امام حسین علیہ السلام کے عاشقوں نے بروز اتوار لندن کے ماربل آرچ اسکوائر میں اجتماع کیا اور با جماعت نماز کی ادائیگی کے بعد مشہور و معروف ہایڈ پارک کے اطراف کی سڑکوں سے اربعین واک شروع کی۔

اربعین واک میں ایران،عراق، پاکستان، افغانستان، شام، بحرین اور دوسرے ممالک سے تعلق رکھنے والوں کی بڑی تعداد نے شرکت کی۔

اربعین واک کے عزاداروں نے سیاہ لباس زیب تن کیا اور ان کے ہاتھوں میں علم حضرت حضرت ابوالفضل علمدار کربلا تھے۔

اربعین واک کے عزادار الله‌اکبر، یا حسین، یا ابوالفضل، یا شہید اورھیھات من الذّلہ کے نعرے لگائے۔