ماہ ستمبر میں القدس میں اسرائیلی فوج کے حملوں میں پانچ فلسطینی شہید 154 گرفتار

شیعیت نیوز: فلسطین میں القدس کے عوام کی بہبود اور دفاع کے لیے سرگرم ’’القدس کے لیے یورپین گروپ‘‘ کی طرف سے جمع کردہ ڈیٹا کے مطابق ماہ ستمبر کے دوران اسرائیلی فوج کے حملوں کےدوران القدس شہر میں5 فلسطینی شہید اور 154 کو حراست میں لے لیا گیا۔

ماہ ستمبر میں اسرائیلی فوج اور یہودی آباد کاروں کے فلسطینی شہریوں کی جان ومال پرحملوں کا سلسلہ عروج پر رہا۔

گروپ کی طرف سے القدس کے حملوں کی تفصیلات پر مبنی ماہانہ رپورٹ میں اسرائیلی فوج کی555 خلاف ورزیوں کو 14 انسانی حقوق کی خلاف ورزیوں میں تقسیم کیا گیا۔

رپورٹ میں اس بات کی نشاندہی کی کہ ان کی خلاف ورزیوں کی اکثریت فلسطینیوں کی گاڑیوں پرحملوں کی شکل میں دیکھی گئی۔ جس کے نتیجے میں 27.7 فیصد کی گرفتاریاں عمل میں لائی گئیں۔

رپورٹ اس ماہ اسرائیلی فوج نے القدس کے محلوں میں مقبوضہ میں کی طرف سے فائرنگ کے32  واقعات کا انکشاف کیا۔

یہ بھی پڑھیں : حماس کی اسرائیل کے ساتھ قیدیوں کی ڈیل میں پیش رفت کی تردید

دوسری جانب فلسطین کی اسلامی مزاحمتی تحریک حماس نے خبر دی ہے کہ مغربی حکومتیں مزاحمت کو توڑنے کے لیے اپنے علاقائی اتحادی ممالک کے ساتھ مل کر کام کر رہی ہیں۔

فلسطین الیوم کی رپورٹ کے مطابق حماس کے سیاسی شعبے کے سربراہ موسیٰ ابو مرزوق نے کہا ہے کہ مغربی حکومتیں بعض علاقائی حکمرانوں کی حمایت سے غزہ پٹی کے محاصرے کو مزید سخت کرنا چاہتی ہیں تاکہ مزاحمت کی طاقت غاصب صہیونی حکومت کے مقابلے کمزور ہو جائے۔

موسی ابو مرزوق نے کہا کہ یہ منصوبہ دراصل فلسطینی مزاحمت کی کامیابیوں کو تباہ کرنے کے لیے تھا۔ ابو مرزوق نے کہا کہ تحریک حماس ان مغربی اقدامات پر دست بستہ تماشائی بنی نہيں رہے گی۔ انہوں نے کہا کہ ہم غزہ کا محاصرہ ختم کرنے کی پوری کوشش کریں گے۔

قابل ذکر ہے کہ عربی زبان کے اخبار ’’الاخبار‘‘ نے اپنے ایڈیشن میں انکشاف کیا ہے کہ متحدہ عرب امارات نے حال ہی میں سعودی عرب ، مصر اور اردن پر مشتمل اتحاد بنانے کی کوشش کی تھی تاکہ اس کے ذریعے فلسطینی مزاحمتی تحریکوں کی طاقت کمزور کی جا سکے۔