یہودی بلوائیوں کا فلسطینیوں کے گھروں حملہ، گھروں میں لوٹ مار

شیعیت نیوز: فلسطین کے مقبوضہ مغربی کنارے کے جنوبی شہرالخلیل میں حارہ جابر کے مقام پر یہودی بلوائیوں نے فلسطینی شہریوں کے گھروں پر حملہ کیا اور گھروں میں گھس کر لوٹ مار کی ہے۔

مقامی فلسطینی ذرائع نے بتایا کہ یہودی آباد کاروں نے حارہ جابر کے مقام پر فلسطینیوں کے گھروں پر حملہ کیا اور فلسطینی شہریوں کےگھروں پر سنگ باری کی۔

اس موقعے پر یہودی آباد کاروں کے گروپ فلسطینیوں کے گھروں کی چادر اور چار دیواری کا تقدس پامال کرتے ہوئے اندر گھس گئے اور قیمتی سامان، نقدی اور زیورات لوٹ لیے۔

یہودی بلوائیوں کےاس حملے کے بعد فلسطینی شہری گھروں سے نکل آئے اور انہوں  نے شرپسندوں کا مقابلہ کرنے کے لیے ان پر جوابی پتھراؤ کیا۔

یہ بھی پڑھیں : جنسی زیادتی کی شکار16سالہ طالبہ سعودی نواز تکفیری مدرسہ کے مہتمم مفتی شاہ نوازکی سزا کی منتظر

ذرائع کا کہنا ہے کہ اسرائیلی فوج کی فول پروف سیکیورٹی میں یہودی بلوائیوں کے حملے کے دوران شہری خوف وہراس کا شکار ہوگئے۔ اس دوران یہودی آباد کاروں نے 19 سالہ فلسطینی اور اس کے والد کو یرغمال بنا کرانہیں تشدد کا نشانہ بنایا۔

ادھر ایک دوسرے سیاق میں یہودی آباد کاروں نے الخلیل شہر میں عبد ھشام ابو ترکی اور مصطفیٰ ابو ترکی کے گھروں میں گھس کر وہاں پرموجود 50 ہزار شیکل کی رقم لوٹ لی۔

دوسری جانب اسرائیلی فوج کی فلسطین کے مقبوضہ مغربی کنارے کے شمالی شہر نابلس میں حوارہ کے مقام سے ایک فلسطینی نوجوان کو اغوا کرنے کے بعد نامعلوم مقام پرمنتقل کردیا۔

مقامی فلسطینی ذرائع نے بتایا کہ عربی بولنے والےاسرائیلی فوجی اہلکاروں حوارہ کے مقام پرچھاپہ مار کارروائی کے دوران ایک فلسطینی شہری کو اغوا کرلیا۔

ذرائع نے کہا کہ بتایا کہ سول کپڑوں میں ملبوس اہلکارں نے 16 سالہ یوسف فواد عودہ کو تشدد کا نشانہ بنانے کے بعد گاڑی میں ڈال کرنامعلوم مقام پر منتقل کر دیا۔ خیال رہے کہ یوسف عودہ کا یہ تیسرا اغوا ہے۔