گرفتاری کے بعد مفرور فلسطینی زکریا الزبیدی پر اسرائیلی جلادوں کا ہولناک تشدد
شیعیت نیوز: اسرائیلی فوجی ریڈیو کی رپورٹ میں کہا گیا ہے کہ فرار کے بعد دوبارہ گرفتار کیے جانے والے فلسطینی زکریا الزبیدی کو حالت بگڑنے کے بعد حیفا شہر کے ’رمبام‘ اسپتال منتقل کیا گیا ہے۔
دوسری طرف فلسطینی ذرائع نے بتایا ہےکہ اسیر الزبیدی کو الناصرہ سے گرفتاری کےبعد اسرائیلی فوجیوں نے بدترین تشدد کا نشانہ بنایا ہے جس کے نتیجے مین اس کی حالت غیرہوگئی ہے۔
اسرائیلی فوجی ریڈیو نے قیدی زکریا الزبیدی کو حالت خراب ہونے کے بعد اسپتال لے جایا گیا ہے۔
خیال رہے کہ اسیر زبیدی کو ہفتے کی شام کو الناصرہ کے قریب سے حراست میں لیا گیا۔ وہ گذشتہ ہفتے پانچ دوسرے فلسطینی کے ساتھ جیل سے فرار ہوگیا تھا۔
زکریا الزبیدی کی گرفتاری کے وقت کی تصاویر جاری کی گئی ہیں۔
یہ بھی پڑھیں : غزہ پر اسرائیلی لڑاکا طیاروں کی وحشیانہ بمباری، ڈرون طیارہ تباہ
دوسری جانب مقبوضہ بیت المقدس سے تعلق رکھنے والی ایک سرکردہ فلسطینی خاتون سماجی کارکن کو اسرائیلی فوج نے قبلہ اول میں عبادت کی پاداش میں گرفتار کیا اور اس کی مدت حراست میں مسلسل توسیع کی گئی ہے۔
رپورٹ کے مطابق اسرائیلی فوج نے بزرگ فلسطینی خاتون رہنما عایدہ الصیداوی کو گذشتہ جمعہ کو حراست میں لیا۔ ان کا واحد جرم مسجد اقصیٰ میں نماز جمعہ میں شرکت کرنا بنا ہے۔
عایدہ الصیداوی کو مسجد اقصیٰ کے باب المجلس سے گرفتار کرکے ایک بدنام زمانہ حراستی مرکز مسکوبیہ منتقل کیا گیا جہاں اس کی عمر رسیدگی اور خاتون ہونے کے تقدس کا بھی خیال نہیں رکھا گیا۔
عایدہ الصیداوی جس کی عمر 59 سال ہے اس وقت بھی حراستی مرکز میں ہے اور اسرائیلی پولیس حکام دانستہ طورپر اسے پابند سلاسل رکھے ہوئے ہیں۔
عایدہ الصیداوی کو اس وقت گرفتار کیا گیا جب باب المجلس کے قریب اسرائیلی پولیس نے ایک فلسطینی ڈاکٹر حازم الجولانی کو گولیاں مار کر شہید کردیا تھا۔ ڈاکٹر الجولانی کی شہادت پرفلسطینی عوام میں شدید غم وغصے کی لہر دوڑ گئی تھی اور لوگ گھروں سے نکل کراحتجاج کے لیے سڑکوں پر آگئے تھے۔
عایدہ الصیداوی کو قابض فوج ماضی میں بھی متعدد بارمسجد اقصیٰ سے بے دخل کیا گیا اور مسجد اقصیٰ میں عبادت کی آڑ میں اسے حراست میں لیا گیا۔
