تاریخی مسجد ابراہیمی میں نماز جمعہ کے اجتماع کے ایمان پرور مناظر
شیعیت نیوز: کل جمعہ کو ہزاروں فلسطینیوں نے تاریخی مسجد ابراہیمی جمعہ کی نماز ادا کی۔ اس موقعے پر مسجد کے ہال، صحن اور گیلیریاں نمازیوں سے کھچا کچھا بھرے ہوئے تھے۔
نماز جمعہ سے قبل قابض اسرائیلی فوج نے تاریخی مسجد ابراہیمی کے اطراف میں ناکے لگا کر فلسطینیوں کو مسجد ابراہیمی میں آنے سے روکنے کی کوشش کی۔
نمازیوں کا کہنا ہے کہ وہ تاریخی مسجد ابراہیمی کے عرب اور اسلامی تشخص کے وجود کی بقا کے لیے مسجد میں نمازوں کی ادائیگی جاری رکھیں گے۔
ان کا کہنا تھا کہ قابض اسرائیلی ریاست کی طرف سے مسجد ابراہیمی کے تاریخی، دینی اور ثقافتی آثارکو تبدیل کرنے کی سازشوں اور الیکٹرک انٹری گیٹ نصب کیے جانے اور یہودی آباد کاروں کے لیے برقی سیڑھی کےقیام کے باوجود مسجد ابراہیمی میں نمازوں کی ادائیگی کا سلسلہ جاری رکھیں گے۔
یہ بھی پڑھیں : دو ماہ میں اسرائیلی فوج نے نو فلسطینی بچے شہید کیے، یونیسیف
قبل ازیں الخلیل شہر میں مختلف دینی قوتوں کی طرف سے مسجد ابراہیمی میں زیادہ سے زیادہ نمازیوں کی آمد کے لیے مہم شروع کی تھی۔ اس مہم کا مقصد مسجد ابراہیمی کو یہودیانے کے صیہونی منصوبوں کو روکنا اور آباد کاروں کو مسجد ابراہیمی میں تلمودی تعلیمات کی آڑ مقدس مقام کی بے حرمتی کی روک تھام کرنا ہے۔
دوسری جانب کل جمعہ کوہزاروں فلسطینیوں نے مسجد اقصیٰ فجرکی نماز ادا کی۔
قبل ازیں بیت المقدس میں عوامی سطح پر مسجد اقصیٰ کی تعمیراتی کمیٹی نے مسجد اقصیٰ میں فجر کی نماز میں زیادہ سے زیادہ فلسطینیوں کی شرکت کی اپیل کی تھی۔
اس مہم پرعمل درآمد کرتے ہوئے ہزاروں فلسطینیوں نے نماز فجر مسجد اقصیٰ میں ادا کی۔ اس موقعے پرمسجد کے صحن اور چھت اور مسجد کے ہال میں بڑی تعداد میں فلسطینی جمع ہوئے اور انہوں نے فجر کی نماز ادا کی۔
