آل پاکستان قرآن و حدیث مقابلے ، سیت پور کی حافظہ بچیوں کی شاندار کامیابی

شیعیت نیوز: جامعتہ المصطفی العالمیہ اسلام آباد کے زیر انتظام جامعتہ الکوثرمیں منعقدہ آل پاکستان قرآن و حدیث مقابلے میں سیت پور کی حافظہ بچیوں نے دوسری اور تیسری پوزیشن حاصل کرکے اہلیان سیت پور کا سر فخر سے بلند کر دیا۔

پروگرام میں وفاقی وزیر برائے مذہبی امور پیر نورالحق قادری، مفسر قرآن علامہ شیخ محسن علی نجفی، اسلامی نظریاتی کونسل کے ممبر ڈاکٹر محمد حسین اکبر، پیر آف چورا شریف پیر سعادت علی شاہ، اسلامی نظریاتی کونسل کے سابق ممبر علامہ افتخار نقوی، ڈاکٹر کاظم سلیم ،علامہ سید حیدر نقوی سمیت مختلف مسالک سے تعلق رکھنے والے علمائے کرام اور دانشوروں نے شرکت کی۔

یہ بھی پڑھیں: شہیدحسن ترابی کی ملی خدمات، ان کے مشن ،ہدف اور مقصد کو آگے بڑھانےکیلئےلازم و ناگزیر ہے ان کے مثبت کردار کو مشعل راہ بنایا جائے، علامہ ساجد نقوی

آل پاکستان قرآن و حدیث کے مقابلے میں حافظہ مہک زہرہ ولد خواجہ محمد فراست نے دوسری جبکہ حافظہ استدعا زہرا ولد محمد ذوالفقار نے تیسری پوزیشن حاصل کی۔

ادارہ شیعیت نیوزنیٹ ورک کامیاب قرار پانے والی ان حافظہ بچیوں ، ان کے والدین اور اساتذہ کی خدمت میں مبارک باد پیش کرتے ہیں۔

اللہ تبارک و تعالیٰ کی بارگاہ میں دعا ہے کہ ہمیں مزید اپنے معاشرے میں قرآن کریم کے نور کو عام کرنے کی توفیق عنایت فرمائے۔