سی پیک حاسدوں اور دشمنوں کی سازشوں کے نشانے پر ہے،عاصم سلیم باجوہ
05 جولائی, 2021 14:39
شیعیت نیوز: چیئرمین سی پیک اتھارٹی عاصم سلیم باجوہ نے کہا ہے کہ سی پیک حاسدوں اور دشمنوں کی سازشوںکے نشانے پر ہے۔ ان خیالات کا اظہار انہوں نے نجی ٹی وی کے نیوز پروگرام میں گفتگو کرتے ہوئے کیا۔ عاصم سلیم باجوہ نے کہا کہ 13 سال گوادر فری پورٹ پالیسی کا اجرا نہ ہوسکا، 2200 ایکڑ منصوبے کا سنگ بنیاد رکھ کر تاریخ رقم کر دی۔
انہوں نے کہا کہ وزیراعظم خود سی پیک کی سرپرستی کر رہے ہیں، وزیراعظم عمران خان نے گوادر میں فری زون فیز 2 کا سنگ بنیاد رکھ دیا۔ عاصم باجوہ نے کہا کہ پانچ فیکٹریوں، ایکسپو سینٹر اور ایگری کلچرل انڈسٹریل پارک کا افتتاح بھی کیا۔ مفاہمت کی یادداشتوں پر دستخط بھی کیے گئے۔
