بشار اسد کا یمن کی نیشنل سالویشن حکومت کے سربراہ کے نام پیغام

شیعیت نیوز: شام کے صدر بشار اسد نے یمن کی نیشنل سالویشن حکومت کی اعلی سیاسی کونسل کے سربراہ کے نام ایک پیغام میں دونوں ملکوں کے درمیان ہماہنگی اور باہمی تعلقات کو مضبوط بنانے پر تاکید کی ہے۔

شام کے صدر بشار اسد نے یمن کی اعلی سیاسی کونسل کے سربراہ مہدی المشاط کے نام ایک پیغام میں ان کا شکریہ ادا کیا ہے اور یمن میں قیام امن اور ملت یمن کی مزید پیشرفت و ترقی سے متعلق نیک تمناؤں کا اظہار کیا ہے۔

یہ بھی پڑھیں : کیا ہمارے بچوں کا کوئی قاتل نہیں؟ یمنی مصنف امین الحمیری کا اقوام متحدہ سے سوال

بشار اسد نے اپنے پیغام میں یمنی عوام کی جانب سے شامی عوام کی حمایت اور ان کے آزادانہ فیصلوں کی تعریف کی ہے۔

شامی صدر کا یہ پیغام یمن کی نیشنل سالویشن حکومت کی اعلی سیاسی کونسل کے سربراہ مہدی المشاط کی جانب سے صدارتی انتخابات میں بشاراسد کی کامیابی پرمبارک باد کے پیغام کے جواب میں بھیجا گیا ہے۔