ہر قسم کے خطرات سے نمٹنے کے لئے ایران آمادہ ہے، جنرل قادر رحیم زادہ
شیعیت نیوز : ایران کے خاتم الانبیا ایرو اسپیس کے کمانڈر بریگیڈیئر جنرل قادر رحیم زادہ نے ہر قسم کے خطرے کا مقابلہ کرنے کے لئے ایران کی مسلح افواج کی فضائی طاقت و توانائی میں روز افزوں اضافے کی خبری دی ہے۔
بریگیڈیئر جنرل قادر رحیم زادہ نے ہفتے کے روز سپاہ پاسداران انقلاب اسلامی کے ایرو اسپیس مرکز اور فضائیہ کے مراکز کا معائنہ کرتے ہوئے کہا کہ ایران میں فضائی حدود کی نگرانی اور ہر قسم کے خطرے کا مقابلہ کرنے کی مکمل آمادگی پائی جاتی ہے اور اس سلسلے میں لازمی توانائی و ہم آہنگی میں بھی مسلسل اضافہ ہو رہا ہے۔
ایران کے خاتم الانبیا ایرو اسپیس ہیڈ کوراٹر کے کمانڈر بریگیڈیئر جنرل قادر رحیم زادہ نے کہا کہ علاقے میں ایرانی فضائی حدود مکمل طور پر محفوظ ہیں۔
انہوں نے اس سلسلے میں ایران کی مسلح افواج کی فضائی آمادگی اور صورت حال کا بھی جائزہ لیا اور اس بارے میں ایران کی مسلح افواج کی فضائی یونٹوں کی مسلسل کوششوں اور بڑھتی توانائیوں پر اطمینان کا اظہار کیا۔
یہ بھی پڑھیں : بائیڈن انتظامیہ ٹرمپ کے نقش قدم پر چلنے سے باز آجائے، سعید خطیب زادے
دوسری جانب ایران کے تیرہویں صدارتی انتخابات میں 7 امیدوار صدارتی عہدے تک پہنچنے کے لئے اپنی قسمت آزما رہے ہیں ۔
صدارتی امیدوار آج تیسرے ٹی وی مناظرے میں عوام کو درپیش مشکلات کے راہ حل کے بارے میں اپنے اپنے نظریات پیش کریں گے۔
ایران کے تیرہویں صدارتی انتخابات کے میدان میں موجود 7 امیدواروں کے درمیان تیسرے مناظرے کا آغاز ہوگیا ہے یہ مناظرہ مجموعی طور پر تین گھنٹوں سے زائد عرصہ تک جاری رہےگا ۔
صدارتی امیدوار ٹی وی کے ذریعہ براہ راست نشر ہونے والے تیسرے مناظرے میں عوام کو درپیش مشکلات کے راہ حل کے بارے میں اپنے اپنے خیالات کا اظہار کریں گے۔ مناظرات کا آغاز مقامی وقت کے مطابق 5 بجے سے ہوچکا ہے۔
ٹی وی مناظرے میں ایران کے تیرہویں صدارتی انتخابات کے امیدوار آیت اللہ رئیسی، محسن رضائی، قاضی زادہ ہاشمی، سعید جلیلی ، مہر علی زادہ، علی رضا زاکانی، عبدالناصر ہمتی حصہ لے رہے ہیں اور ایران کو درپیش مشکلات کے بارے میں اپنے اپنے خیالات کا اظہار کریں گے۔
ایرانی عوام ٹی وی پر براہ راست نشر ہونے والے مناظرے کو دیکھ کر اپنے ووٹ کا استعمال کریں گے۔ واضح رہے کہ ایران کے صدارتی امیدواروں نے ٹی وی کے پہلے مناظرے میں اقتصادی امور اور دوسرے مناظرے میں سماجی اور ثقافتی مشکلات کو حل کرنے کے سلسلے میں ملک کی داخلی اور اندرونی توانائیوں اور صلاحیتوں سے استفادہ کرنے پر زوردیا تھا۔ واضح رہے کہ ایران کے تیرہویں صدارتی انتخابات 18 جون کو منعقد ہوں گے۔
