لبنانی وزیر کی حماس قیادت سے ملاقات، غزہ جنگ میں فتح پر مبارک باد

شیعیت نیوز: لبنانی سیاسی جماعت ’’الاتحاد‘‘ پارٹی  کے سربراہ، لبنانی وزیر اور رکن پارلیمنٹ عبدالرحیم مرادنے گذشتہ روز بیروت میں اسلامی مزاحمتی تحریک حماس کے دفتر کا دورہ کیا اور جماعت کی قیادت سے ملاقات کی۔

رپورٹ کے مطابق اس موقعے پر الاتحاد پارٹی کے سربراہ اور لبنانی وزیر نے حماس کے لبنان میں مندوب ڈاکٹر احمد عبدالھادی سے ملاقات کی اور انہیں غزہ کی جنگ میں قابض اسرائیلی فوج کو شکست دینے پر مبارک باد پیش کی۔

یہ بھی پڑھیں : سعودی عرب کی ملک خالد ایئربیس پر یمن کا ایک اور کامیاب ڈرون حملہ

اس مقوقعے پر اتحاد پارٹی کے رہنما ایڈووکیٹ احمد مرعی، جماعت کے سیاسی شعبے کے رکن طلال خانکان اور مرکزی کمیٹی کے رکن مروان ھواری بھی موجود تھے۔

دوسری طرف حماس کے لبنان میں مندوب ڈاکٹر احمد عبدالھادی، حماس کے عرب اور اسلامی امور کے رابطہ کار علی برکہ، سیاسی شعبے کے نائب  جہاد طہ، سیاسی اور ابلاغی امور کے انچارج عبدالمجید عوض، مشہور عبدالحلیم  اور دیگر موجود تھے۔

دونوں وفود میں فلسطین کی تازہ صورت اور حماس کے لبنانی قوتوں کے ساتھ تعلقات پر تفصیل سے تبادلہ خیال کیا گیا۔