مسلم امہ کا اتحاد، اسرائیلی مظالم کی حمایت پر فیس بک کے بانی کو نانی یاد کروادی

شیعیت نیوز: فیس بک کو مظلوم فلسطینیوں کے بجائے اسرائیل کی حمایت کرنا مہنگا پڑگیا۔ مسلم امہ و باضمیر انسانوں نے فیس بک کے بانی کو نانی یاد کروا دی۔ تفصیلات کے مطابق فیس بک کو پوری دنیا سے پلے سٹور پر 1 سٹار ریٹنگ ملنے پر شدید مالی نقصان کا سامنا ہے۔

فس بک کے شیئرز میں چھ ڈالرز کی کمی واقع ہوئی ہے جس سے کمپنی کو کروڑوں ڈالرز کا نقصان ہوا ہے۔دنیا بھر کے لوگوں کی طرف سے فیس بک کے لئے یہ نفرت تب شروع ہوئی جب کچھ دن قبل “یروشلم پریئر ٹیم” نامی ایک پیج تیزی سے فیس بک پر وائرل ہوا اور کروڑوں صارفین نے نوٹ کیا کہ انھیں بغیر بتائے ہی اس پیچ کو فالو کروا دیا گیا ہے جس سے نفرت اور غصے کی ایک آگ پھیل گئی۔

یہ بھی پڑھیں: فلسطین فتح یاب ہے،غاصب اسرائیل مقاومت اسلامی کے آگے ڈھیر، جنگ بندی کا اعلان کردیا

صارفین کی کثیر تعداد نے اس پرفیس بک انتظامیہ کو میسجز بھیج کر شدید احتجاج کیا جس پر بالآخر فیس بک انتظامیہ کو یہ پیج بند کرنا پڑا۔ مگر ساتھ ہی ساتھ فلسطین میں اسرائیلی جرائم کو بے نقاب کرنے والے پیجز بھی بلاک کر دئے گئے۔

فیس بک کی ان جانبدارانہ پالیسیوں پر صارفین نے پلے سٹور پر 1 سٹار ریٹنگ دی جس سے فسبک ایپ کی ریٹنگ محض 24 گھنٹوں میں 4۔5 سے 2 پر آگئی اور انتظامیہ شدید بحران کا شکار ہو گئی۔ واضح رہے کہ انڈرائڈ ایپ صارفین کسی بھی ایپ کو پلے سٹور پر ریٹنگ دیتے ہیں جو زیادہ سے زیادہ 5 ہوتی ہے۔