طاقت کے نشے میں مدہوش اسرائیل کے ہاتھ معصوم فلسطینی شہریوں کے خون سے رنگے ہوئے ہیں، وزیراعلیٰ پنجاب
ظالم کا ہاتھ آج نہ روکا گیا تو یہ کل کسی اور کے گریبان تک پہنچے گا، نہتے فلسطینی شہری آزادی سے جینے کا حق رکھتے ہیں۔
شیعیت نیوز: وزیراعلیٰ پنجاب سردار عثمان بزدار نےنہتے فلسطینیوں پر اسرائیلی فورسز کے حملوں کی مذمت کرتے ہوئے کہا ہے کہ ا سرائیل کے فلسطین پر مسلسل حملے انسانی حقوق کی خلاف ورزی ہیں۔
وزیراعلیٰ عثمان بزدار کا کہنا تھا کہ طاقت کے نشے میں مدہوش اسرائیل کے ہاتھ معصوم فلسطینی شہریوں کے خون سے رنگے ہوئے ہیں، ظالم کا ہاتھ آج نہ روکا گیا تو یہ کل کسی اور کے گریبان تک پہنچے گا، نہتے فلسطینی شہری آزادی سے جینے کا حق رکھتے ہیں۔
یہ بھی پڑھیں: فلسطین میں اسرائیلی بربریت ،ایدھی فاؤنڈیشن پاکستان نے فلسطینی مسلمانوں کیلئے بڑا اعلان کردیا
وزیراعلیٰ پنجاب عثمان بزدار نے کہا کہ مسئلہ فلسطین پر عالمی برادری کی خاموشی ایک المیہ کو جنم دے رہی ہے، بین الاقوامی برادری کی فلسطین میں آگ اور خون کے کھیل پر خاموشی سوالیہ نشان ہے۔
وزیراعلیٰ کا کہنا تھا کہ پاکستان کی حکومت اور عوام مظلوم فلسطینیوں سے مکمل ہمدردی رکھتے ہیں، عالمی برادری معصوم فلسطینیوں پر مظالم بند کرانے کیلئے فوری کردار ادا کرے۔
