بیت المقدس میں تشدد کی آگ قابض دشمن کو بھی راکھ کر ڈالے گی، الشیخ العاروری

شیعیت نیوز: اسلامی مزاحمتی تحریک حماس کے سیاسی شعبے کے نائب صدر الشیخ العاروری نے کہا ہےکہ بیت المقدس میں تشدد، توڑپھوڑ اور تخریب کاری کی صہیونی کارروائیاں اسے مہنگی پڑیں گی۔ ان کا کہنا ہے کہ القدس میں تشدد کی آگ خود قابض دشمن کو بھی جلا کر رکھ کردے گی۔

الاقصیٰ ٹی وی چینل کو دیے گئے انٹرویو میں الشیخ صالح العاروری نے کہا کہ بیت المقدس پر حملے قابض دشمن کے زوال کا نقطہ آغاز ہے۔ انہوں نے فلسطینی عوام اور عالم اسلام پر زور دیا کہ وہ القدس کے دفاع کے لیے تمام وسائل استعمال کریں۔

انہوں نے کہا کہ قابض دشمن آگ سے کھیل رہا ہے۔ القدس میں تخریب کاری اور مسجد اقصیٰ میں مداخلت سرخ لکیر عبور کرنے کے مترادف ہے۔

ایک سوال کے جواب میں حماس رہنما الشیخ العاروری نے کہا کہ ان کی جماعت فلسطین کا حصہ اور فلسطینی سماجی کا جزو ہے جسے فلسطینی قوم سے الگ نہیں کیا جا سکتا۔

ایک سوال کے جواب میں الشیخ العاروری نے کہا کہ القدس ہمارے وجود کا پتھر ہے اور ہم سب القدس کی اہمیت کا ادراک رکھتے ہیں۔ دشمن کو معلوم نہیں کہ ہمارےلیے القدس کی کتنی اہمیت ہے۔ القدس وہ مقام ہے جس کے دفاع کے لیے پوری دنیا سے مجاھدین جہاد کے لیے تیار ہیں۔

یہ بھی پڑھیں : انسانی حقوق کی عالمی تنظیمیں اسرائیلی جارحیت کے خلاف آواز بلند کریں، علامہ راجہ ناصرعباس

دوسری جانب اسلامی مزاحمتی تحریک حماس کے بیرون ملک سیاسی شعبے کے نائب صدر ڈاکٹر موسیٰ ابو مرزوق نے کہا ہے کہ مسجد اقصیٰ کی بے حرمتی ، فلسطینی نمازیوں پر تشدد اور القدس میں جرائم کا حساب دینا ہوگا۔

ایک بیان میں ڈاکٹر ابو مرزوق نے کہا کہ ہم قبلہ اول کے دفاع کی پوری صلاحیت رکھتے ہیں اور قابض دشمن کے خلاف نئے محاذ کھولنے کی صلاحیت رکھتے ہیں۔

انہوں نے غرب اردن اور اندورن فلسطین کے فلسطینی باشندوں پر زور دیا کہ مسجد اقصیٰ کے دفاع کے لیے اپنی صفوں میں اتحاد پیدا کریں۔

انہوں نے کہا کہ غزہ کی پٹی اور بیرون ملک موجود فلسطینیوں سے اپیل کرتا ہوں کہ وہ القدس کے عوام کی نصرت کے لیے اقدامات کریں اور القدس کے عوام کے دفاع اور قابض دشمن کے ساتھ مقابلے کے لیے اپنی قوت مجتمع کریں۔

انہوں‌نے مسجد اقصیٰ کے مرابطین کی قربانیوں کی تحسین کرتے ہوئے کہا کہ القدس کے باشندوں نے اپنی اورالقدس کے دفاع کے لیے بے پناہ قربانیاں دیں۔