افغانستان میں خونریز جھڑپ اور بم دھماکہ، 11 ہلاک 8 زخمی
شیعیت نیوز: افغانستان میں ہونے والی خونریز جھڑپ اور بم دھماکے میں 11 افراد ہلاک اور 8 زخمی ہو گئے۔
آوا خبر رساں ایجنسی کی رپورٹ کے مطابق افغانستان کے صوبے ہرات کے پشتون زرغون علاقے میں افغان فورسز اور طالبان کے مابین ہونے والی ایک خونریز جھڑپ میں 7 طالبان ہلاک اور 5 زخمی ہوئے ہلاک ہونے والوں میں علاقے کا نام نہاد طالبان کمانڈر ملا کامل بھی شامل ہے۔
دوسری جانب صوبہ قندھار میں ہونے والے ایک بم دھماکے میں 4 افراد جاں بحق اور 3 زخمی ہوئے۔ دھماکہ اس وقت ہوا جب ایک گاڑی ارغنداب علاقے سے گذر رہی تھی۔
قندھار، افغانستان کے ان نا امن صوبوں میں سے ایک ہے جس کے کئی علاقوں پر طالبان کا قبضہ ہے۔
یہ بھی پڑھیں : امریکہ میں سیاہ فام لڑکی کے قتل پر احتجاجی مظاہرے
دوسری جانب افغان امن عمل سے متعلق استنبول میں ہونے والےآئندہ اجلاس میں شرکت کرنے کے حوالہ سے طالبان نے اعلان کیا کہ جب تک غیر ملکی افواج ملک میں موجود ہیں ، وہ کسی بھی اجلاس میں شرکت نہیں کریں گے۔
افغانستان کی فارس نیوز ویب سائٹ کی رپورٹ کے مطابق طالبان کے ترجمان ذبیح اللہ مجاہد کا کہنا ہے کہ جب تک غیر ملکی افواج ملک میں موجود رہیں گی ، یہ گروپ استنبول کے اجلاس سمیت کسی بھی اجلاس میں شرکت نہیں کرے گا۔
انہوں نے مزید کہاکہ کچھ ممالک استنبول کانفرنس کے ذریعے افغانستان کے اندرونی معاملات میں مداخلت کرنا چاہتے ہیں۔
مجاہد نے زور دے کر کہا کہ اپنے مستقبل کا تعین کرنا افغان عوام کا حق ہے،طالبان کے ترجمان نے کہا ہے کہ وہ صرف اسی صورت میں امن کے لئے تیار ہیں اگر افغانستان میں تمام فریقین نے ایک حقیقی اسلامی نظام قبول کر لیں بصورت دیگر وہ جنگ جاری رکھیں گے،یادرہے کہ استنبول کا اجلاس 24 اپریل کو ہونا ہے۔
