امریکہ کے دہشت گرد فوجیوں کی پسپائی، اربیل فوجی اڈہ خالی

شیعیت نیوز: ذرائع ابلاغ کی رپورٹوں کے مطابق عراق میں امریکہ کے دہشت گرد فوجیوں نے اربیل فوجی اڈے کو خالی کردیا ہے۔

رپورٹ کے مطابق عراق میں امریکہ کے دہشت گرد فوجیوں نے اربیل فوجی اڈے کو خالی کر کے’’Fort Bliss Texas‘‘ فوجی اڈے میں نقل مکانی کی ہے۔

عراقی ذرائع ابلاغ کی رپورٹوں کے مطابق واشنگٹن کے اقدامات کے باوجود ابھی تک یہ واضح نہیں ہو سکا ہے کہ امریکہ کے دہشت گرد فوجیوں نے پسپائی اختیار کی یا پھر صرف اپنی عسکری پالیسی میں تبدیلی کی ہے۔

ماہرین کا کہنا ہے کہ امریکہ کے دہشت گرد فوجیوں کی نقل و حرکت اور پسپائی سے دکھائی دیتا ہے کہ امریکہ نے استقامتی محاذ کی جانب سے امریکی فوجیوں کے خلاف کارروائی کی دھمکی کے بعد یہ اقدام کیا ہے۔ اس لئے کہ استقامتی محاذ نے واضح لفظوں میں کہا ہے کہ اس کے بعد امریکہ کے دہشت گرد فوجیوں کے خلاف استقامتی محاذ کی نئی کارروائی شروع ہو گی جس میں امریکی فوجیوں اور ان کے فوجی اڈوں کو نشانہ بنایا جائے گا۔

یہ بھی پڑھیں : سانحہ نلتر، گلگت میں پرانی دشمنی کے نتیجے میں 6افراد کا بہیمانہ قتل، وطن عزیزکو فرقہ وارایت کی آگ میں جھلسانے کی سازش ناکام

استقامتی محاذ کے بیان میں کہا گیا ہے کہ ہم عراق کو غاصبوں سے پاک وصاف کریں گے اور یہ عراقی عوام کا دیرینہ مطالبہ ہے۔

عراقی پارلیمنٹ کے متعدد ارکان نے بھی اپنے ملک سے امریکی فوج کے انخلا کو ضروری قرار دیا ہے۔ ان ارکان کا کہنا ہے کہ امریکی فوج کی موجودگی ملکی مفاد میں نہیں اور اس کے نتیجے میں عراق کو لاتعداد مشکلات کا سامنا کرنا پڑ رہا ہے۔

واضح رہے کہ عراقی پارلیمنٹ نے 5 جنوری کو امریکی فوجیوں کے انخلاء کے بل کو منظوری دی تھی اور تقریبا لاکھوں عراقیوں نے جنوری 2020 کے آخر میں احتجاجی مظاہرے کر کے عراق سے امریکی فوجیوں کے انخلاء کا مطالبہ کیا تھا۔