عراقی سکیورٹی فورسز نے صوبے نینوا سے 15 داعشی دہشت گرد گرفتار کر لیا

شیعیت نیوز: عراقی وزارت داخلہ کی جانب سے جاری ہونے والے بیان کے مطابق سکیورٹی فورسز نے ملک کے شمالی صوبے نینوا میں متعدد انٹیلیجنس آپریشنز کے دوران بین الاقوامی حمایت یافتہ دہشت گرد تنظیم داعش کے 15 دہشت گرد گرفتار کر لئے ہیں۔

المعلومہ نیوز ویب سائٹ کی رپورٹ کے مطابق عراقی وزارت داخلہ کی انٹیلی جنس سروس نے ایک بیان میں کہا ہے کہ شمالی صوبے نینوا میں علیحدہ کاروائیوں کے دوران داعش کے 15 دہشت گردوں کو گرفتار کیا گیا ہے۔

بیان میں کہا گیا ہے کہ عراقی وزارت داخلہ کی وفاقی انٹیلی جنس اینڈ انویسٹی گیشن آرگنائزیشن کی جانب سے دہشت گردوں اور ان کی باقیات کو ختم کرنے کے لئے داعش کے عناصر کے تعاقب کے بعد ، نینوا انٹیلی جنس اور انسداد دہشت گردی بیورو فورس داعش کے 15 ارکان کو شکست دینے میں کامیاب ہوگئی ۔

یہ بھی پڑھیں : 80 ہزار یمنی بیمار سعودی و امریکی حکام کی بھینٹ چڑھ گئے

بیان میں کہا گیا ہےکہ صوبے کے مختلف علاقوں میں گرفتارہونے والے دہشت گردوں کے خلاف انسداد دہشت گردی قانون کے آرٹیکل 4 کے تحت مختلف ناموں اور عنوانات کے تحت داعش میں رکنیت کے الزامات کے تحت مقدمہ چلایا گیا ۔

انہوں نے وضاحت کی کہ ان افراد کی ابتدائی تفتیش کی بنیاد پر انہوں نے داعش کے ممبر ہونے اور ملک کو آزاد کروانے کے لئے آپریشن کے دوران سکیورٹی فورسز اور عراقی شہریوں کے خلاف دہشت گردی کی متعدد کاروائیوں میں حصہ لینے کا اعتراف کیا ہے۔

یہ بھی پڑھیں : ایرانی فضائی حدود امریکی لڑاکا طیاروں کیلئے محفوظ نہیں ہے، سید محمود علوی

یادرہے کہ دسمبر 2017 میں عراق میں داعش کے دہشت گرد گروہ کی شکست کے باوجود ، عراقی سکیورٹی اور فوجی دستوں کی کئی سالوں کی کاروائیوں کے بعد بھی ، دہشت گرد سیل اور اس کی باقیات فوجی اور سویلین اہداف کے خلاف وقتا فوقتا دہشت گردی کی کاروائیاں کرتی رہتی ہیں ،یہ گروہ عراق کی سلامتی کو درہم برہم کرنے کی کوشش کر رہے ہیں اس لیے کہ انھیں امریکہ کی مکمل حمایت حاصل ہے کیونکہ وہ انھیں بہانہ بنا کر اس ملک میں اپنی غیر قانونی موجودگی کو طول دے سکتا ہے۔