ڈاکٹر ریحان اعظمی جیسی شخصیت صدیوں میں پیدا ہوتی ہے، علامہ راجہ ناصر عباس جعفری

شیعیت نیوز: مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ملک کے نامور ادیب، مصنف و شاعر ڈاکٹر ریحان اعظمی کے انتقال پر افسوس کا اظہار کرتے ہوئے اسے علم و ادب کے لیے ایک ناقابل تلافی نقصان قرار دیا ہے۔

انہوں نے کہا ریحان اعظمی سرمایہ ملت تھے۔ان کے انتقال پر پوری قوم سوگوار ہے۔پاکستانی شعراء میں ریحان اعظمی وہ قدآور شخصیت تھے جنہوں نے مدح اہلبیت ع میں سب سے زیادہ لکھا۔

یہ بھی پڑھیں: مودی سرکار کو شکست، خالصتان تحریک نے نئی دہلی کا لال قلعہ فتح کرکے پرچم لہرا دیا

علامہ راجہ ناصرعباس نے کہاکہ وطن عزیز میں مرثیہ و نوحوں کی تاریخ ان کے ذکر کے بغیر ادھوری ہے۔ان کی ساری زندگی مدح اہلبیت اطہار علیہم السلام میں بسر ہوئی۔ان کے تخلیق کردہ نوحوں ، مرثیوں، ۔منقبت اور شاعری کی بین الااقوامی سطح پر پذیرائی ان کے غیر معمولی علمی و ادبی شخصیت ہونے پر دلالت کرتی ہے۔

یہ بھی پڑھیں: یزیدیت کے خلاف ملت اسلامیہ متحد ہے نہ کل یزیدیت کی بیعت کی تھی نہ آج کریں گے،علامہ راجہ ناصرعباس

انہوںنے مزید کہاکہ ریحان اعظمیٰ جیسی شخصیات صدیوں میں پیدا ہوتی ہیں۔وہ اپنے منفرد اسلوب کےسبب علمی و ادبی حلقوں میں نمایاں مقام رکھتے تھے۔ان کے انتقال سے پیدا ہونے والا خلا مدتوں پُر نہیں ہو سکے گا۔انہوں نے اہل خانہ سے اظہار تعزیت کرتے ہوئے مرحوم کی بلندی درجات اور پسماندگان کے صبر کی دعا کی ہے۔