عراق: جرف الصخر پر امریکی فضائی حملے، 9 عراقی فوجی شہید

شیعیت نیوز: گذشتہ شب عراق کے شمالی صوبے بابل کے علاقے جرف الصخر میں متعدد دھماکے ہوئے ہیں جن میں 9 عراقی فوجی شہید ہو گئے ہیں۔

عرب نیوز چینل المیادین کے مطابق ہونے والے دھماکے امریکہ کے فضائی حملے کا نتیجہ تھا جبکہ اس حوالے سے انجام پانے والی ابتدائی تحقیقات میں بھی یہ بات سامنے آئی ہے کہ یہ حملے ایف سولہ طیاروں کی مدد سے کئے گئے ہیں۔

یہ بھی پڑھیں : جبری گمشدگی گھناؤنا جرم ہے، کوئی بھی شہری لاپتہ ہو تو ریاست اسکی ذمہ دار ہے، جسٹس اطہر من اللہ

عینی شاہدین کا کہنا ہے کہ آدھی رات کے وقت عراقی فوج کی پوسٹوں میں کم از کم 4 زور دار دھماکے ہوئے ہیں۔

عرب ای مجلے العہد کے مطابق ہونے والے حملوں میں کم از کم 9 افراد شہید ہوئے جن کا تعلق عراقی فوج سے تھا۔

یہ بھی پڑھیں : سعودی عرب ڈاکار ریلی کار ریس مقابلے میں اسرائیل کی شرکت

عرب نیوز چینل المیادین نے وقوعے کے دوران رپورٹ دیتے ہوئے اطلاع دی تھی کہ امریکی طیارے عراق و شام کی سرحد پر موجود علاقے القائم پر مسلسل پرواز کر رہے ہیں جبکہ عرب نیوز چینل الجزیرہ نے کہا تھا کہ امریکی طیارے جرف الصخر نامی علاقے پر گولہ باری میں مصروف ہیں۔

دوسری طرف پینٹاگون کی جانب سے ان حملوں میں امریکی ہاتھ کی تردید کر دی گئی ہے۔