بھارت کے بےبنیاد اورمن گھڑت پروپگنڈے کا مقابلہ حقائق سےکیا جائے گا، وزیراعظم عمران خان

شیعیت نیوز: وزیرِ اعظم نے ہدایت کی ہے کہ بھارتی میڈیا کے منفی پروپیگنڈے کو ناکام بنانے اور عوام میں شعور اجاگر کرنے کے لیے بھرپور اقدامات کیے جائیں۔ وزیر اعظم آفس سے جاری بیان کے مطابق پاکستان کے خلاف جاری بھارتی پروپیگنڈے بالخصوص بھارتی میڈیا کی جانب سے جاری ہائبرڈ وارفئیر کے حوالے سے وزیر اعظم عمران خان کی زیر صدارت اجلاس ہوا۔

اجلاس میں وزیر خارجہ شاہ محمود قریشی، وفاقی وزیر اطلاعات سینیٹر شبلی فراز، وزیر داخلہ شیخ رشید احمد، وفاقی وزیر مواصلات مراد سعید، وزیر اعظم کے معاون خصوصی ڈاکٹر معید یوسف، فوکل پرسن برائے ڈیجیٹل میڈیا ڈاکٹر ارسلان خالد و دیگر نے شرکت کی۔ اجلاس میں پاکستان کے خلاف بھارتی میٖڈیا کی جانب سے غلط معلومات اور منفی پروپیگنڈے کا جائزہ لیا گیا۔

یہ بھی پڑھیں: فخر ملت جعفریہ، شہید عسکری رضا ؒ کی شہادت کو 9 برس بیت گئے، اہلیہ بھی انصاف کی راہ تکتے جہاں فانی سے کوچ کرگئیں

وزیر اعظم نے اجلاس سے خطاب کرتے ہوئے کہا کہ بھارتی حکومت کی جانب سے مقبوضہ جموں و کشمیر میں کیے گئے غیر قانونی اقدامات، انسانی حقوق کی سنگین خلاف ورزیوں اور ہندو فاشسٹ ایجنڈے اور اس کے نتیجے میں علاقائی امن و امان کو درپیش خطرات سے توجہ ہٹانے کے لیے بھارتی میڈیا کی طرف سے پاکستان کے خلاف بے بنیاد اور منفی پروپیگنڈ کیا جارہا ہے، جس کا مقصد نہ صرف عالمی توجہ ہٹانا ہے بلکہ ملک میں انتشار پھیلانا ہے۔

یہ بھی پڑھیں: نئے سال کی آمد پرپوری قوم ملک کی خوشحالی، سلامتی اور استحکام کیلئےتجدید عہد کرے، علامہ راجہ ناصرعباس

انہوں نے ہدایت کی کہ بھارتی میڈیا کے منفی پروپیگنڈے کو ناکام بنانے اور اس حوالے سے عوام میں بہتر شعور اجاگر کرنے کے سلسلے میں بھرپور اقدامات کیے جائیں۔ وزیرِ اعظم نے کہا کہ بے بنیاد اور من گھڑت مہم کا مقابلہ حقائق سے کیا جائے اور عوام اور عالمی برادری کے سامنے بھارت کا اصل چہرہ سامنے لایا جائے۔ انہوں نے امید ظاہر کی کہ پاکستانی میڈیا بھی اس ضمن مین اپنا کردار بھرپور طریقے سے ادا کرے گا۔