امریکہ پر قطعی اعتماد نہیں، واشنگٹن اپنا رویہ بدلے؛ محسن رضائی کی آرمی چیف عاصم منیر سے ملاقات
WebDesk
24 اگست, 2026 18:09
محسن رضائی
شیعیت نیوز : اسلامی جمہوریہ ایران کی قومی سلامتی کی اعلیٰ کونسل کے سیکریٹری جنرل محسن رضائی نے پاکستان کے آرمی چیف جنرل عاصم منیر سے ملاقات میں دو ٹوک الفاظ میں واضح کیا ہے کہ تہران کو امریکہ پر بالکل اعتماد نہیں ہے۔
انہوں نے زور دیا کہ واشنگٹن کو اپنا رویہ تبدیل کر کے مفاہمتی یادداشت (MoU) کی شرائط پر عملی اقدامات کرنے ہوں گے۔ اس موقع پر انہوں نے آبنائے ہرمز میں ایران کے کلیدی سکیورٹی کردار اور خطے کے دفاع کا بھی اعادہ کیا۔
یہ بھی پڑھیں : مجلس وحدت مسلمین کی شوریٰ عالی کا اہم اجلاس، تنظیمی امور پر تفصیلی مشاورت
اس اہم ملاقات کے دوران پاک فوج کے سربراہ جنرل عاصم منیر نے کہا کہ پاکستان نے ‘اسلام آباد مفاہمتی یادداشت’ پر دستخط کرانے میں کلیدی کردار ادا کیا ہے۔ انہوں نے دونوں برادر اسلامی ممالک کے درمیان تاریخی تعلقات کو مزید مستحکم کرنے کے عزم کا اظہار کرتے ہوئے واضح کیا کہ پاکستان نے پاک ایران مشترکہ سرحدوں پر سکیورٹی کو ناقابلِ تسخیر بنانے کے لیے وسیع تر اقدامات کیے ہیں، جس سے علاقائی امن و استحکام کو فروغ ملے گا۔
