یمن پر سعودی اتحاد کے جنگی طیاروں کی جارحیت کا جاری سلسلہ

شیعیت نیوز: جارح سعودی اتحاد کے جنگی طیاروں نے یمن کے مختلف صوبوں منجملہ صعدہ، مآرب اور الجوف کے رہائشی علاقوں پر شدید حملے کئے ہیں۔

یمن کے المسیرہ ٹی وی کی رپورٹ کے مطابق جارح سعودی اتحاد کے جنگی طیاروں نے صوبے مآرب کے ماہلیہ علاقے کو شدید جارحیت کا نشانہ بنایا ہے۔

شمالی یمن کے صوبے خب اور الشعف کے علاقوں پر پھی شدید بمباری کی گئی۔ جارح سعودی اتحاد کے توپخانے نے بھی شمالی صوبے صعدہ اور منبہ کی سرحد پر واقع آل الشیخ نامی علاقے کو نشانہ بنایا۔ سعودی اتحاد کے جنگی طیاروں نے یمن کے صوبوں الجوف، صعدہ اور مآرب کے رہائشی علاقوں پر شدید حملے کئے ہیں۔

یہ بھی پڑھیں : آل سعود حکومت کا علماء اور آئمہ مساجد کے خلاف کریک ڈاؤن

دوسری جانب یمن کی نیشنل سالویشن حکومت کے وزیر خارجہ نے سعودی اتحاد کی جانب سے یمن کی تیل کی مصنوعات لانے والے بحری جہازوں کو روکے جانے پر کڑی تنقید کی ہے۔

ہشام شرف عبداللہ نے کہا کہ یمن کے امور میں اقوام متحدہ کے خصوصی ایلچی مارٹن گریفتھس اور یمن میں امن کے عمل کے نگراں ملکوں کے سفیروں کو چاہئے کہ یمن کے ان بحری جہازوں کو آزاد کرانے کے لئے فوری طور پر سرگرم عمل ہو جائیں۔

یمن کی آئل کمپنی نے اعلان کیا ہے کہ جارح سعودی اتحاد نے چار لاکھ نو ہزار پچپن ٹن پٹرولیم مصنوعات کے حامل پندرہ بحری جہازوں کو پانچ ماہ سے زیادہ عرصے سے روک رکھا ہے۔

سعودی جنگی اتحاد نے جس میں متحدہ عرب امارات اور بعض دوسرے ممالک شامل ہیں اور جسے امریکہ کی لاجسٹک، اسلحہ جاتی اور سیاسی حمایت حاصل ہے، مارچ دوہزار پندرہ سے مغربی ایشیا کے کمزور عرب اور اسلامی ملک یمن کو جارحیت کا نشانہ بنا رکھا ہے۔

پانچ سال سے زائد عرصے سے جاری وحشیانہ سعودی جارحیت میں سترہ ہزار سے زائد یمنی شہری شہید اور زخمی ہوچکے ہیں جبکہ دسیوں لاکھ لوگوں کو اپنا گھر بار چھوڑنے پر مجبور ہونا پڑا ہے۔

جارح سعودی اتحاد نے یمن کا زمینی، فضائی اور سمندری محاصرہ بھی کر رکھا ہے جس کی وجہ سے یمنی عوام کو غذائی اشیا، دواؤں اور میڈیکل آلات کی شدید قلت کا سامنا ہے۔