عراق: شہید سلیمانی اور شہید ابو المہندس کی تصاویر لگانے پر امریکہ کو سخت تشویش لاحق

شیعیت نیوز: بغداد ائیر پورٹ پر شہید قاسم سلیمانی اور ابو مہدی المہندس کی تصاویر نصب کئے جانے پر امریکہ کو تشویش لاحق ہو گئی ہے۔

ایک عراقی نیوز چينل کے مطابق واشنگٹن نے دھمکی دی ہے کہ اگر سپاہ قدس کے کمانڈر اور حشد الشعبی کے سربراہ کی تصاویر بغداد ائیر پورٹ پر نصب کی گئيں تو امریکہ عراق کے خلاف پابندیاں لگا دے گا۔

یہ بھی پڑھیں : ممتاز کمانڈر شہید سلیمانی نے شام کو تقسیم کرنے کی سازش ناکام بنا دی، یمنی وزارت تعلیم

عراق کے العہد ٹی وی چینل نے بدھ کے روز اپنی ایک رپورٹ میں اس بات کا انکشاف کیا ہے کہ واشنگٹن کو بغداد کے بین الاقوامی ہوائی اڈے پر شہید قاسم سلیمانی اور شہید ابو مہدی المہندس کی تصاویر نصب کئے جانے سے سخت تشویش ہے۔

العہد کے مطابق ٹرمپ حکومت نے عراقی حکومت کو دھمکی دی ہے کہ اگر بغداد ائیر پورٹ پر شہید قاسم سلیمانی اور شہید ابو مہدی المہندس کی یاد میں پوسٹر اور بینر نصب کئے گئے تو بغداد ائیرپورٹ کا بائیکاٹ کر دیا جائے گا۔

یہ بھی پڑھیں : محمد بن سلمان نے امریکی صدر ٹرمپ سے عدالتی تحفظ کی بھیک مانگی

العہد کی جانب سے یہ رپورٹ شہید قاسم سلیمانی اور شہید ابو مہدی المہندس کی شہادت کی پہلی برسی کی مناسبت سے نشر کی گئی ہے۔

واضح رہے کہ امریکی دہشت گردوں نے رواں سال 3 جنوری کو ایک بمبار ڈرون کی مدد سے سپاہ پاسداران انقلاب اسلامی کی قدس بریگیڈ کے کمانڈر جنرل قاسم سلیمانی اور عراقی رضاکار فورس حشد الشعبی کے ڈپٹی کمانڈر ابو مہدی المہندس کو نشانہ بنا کر شہید کر دیا تھا۔

عراقی پارلیمنٹ نے اس واقعے کے دو دن بعد ہی عراق میں موجود امریکہ کے تمام باوردی دہشت گردوں کے انخلا سے متعلق بل کو اکثریت آراء سے منظور کر لیا تھا۔