عیسائیوں کے لبادے میں چھپے صیہونیوں کا کراچی میں احتجاجی مظاہرہ ،پاکستان سے اسرائیل کو تسلیم کرنے کا مطالبہ
عامر سلیمان عزیز نے کہا کہ پاکستان میں مقیم عیسائیوں کو اسرائیل میں مقدس مقامات کے دورہ کیلئے اجازت دی جائے
شیعیت نیوز: قبلہ اوّل بیت المقدس پر قابض صیہونی حکومت اور غاصب ناجائز اسرائیلی ریاست کو تسلیم کرنے کے لیئے بیرونی دباؤ کے بعد اندرونی طور پر بھی آوازیں اٹھنا شروع ہوگئی ہیں ۔ امریکی پے رول پر کارفرمااین جی اوGod’s Peoples Fellowship of Pakistan(GPFP )گاڈزپیپلز فیلوشپ آف پاکستان Christian Friends of Israelکرسچن فرینڈز آف اسرائیل کی جانب سے کراچی پریس کلب پر اپنی نوعیت کا پہلا احتجاجی مظاہرہ ۔
تفصیلات کےمطابق پاکستان میں عیسائیوں کے لبادے میں چھپے صیہونیوں نے کراچی پریس کلب پر احتجاجی مظاہرہ کیا اور حکومت پاکستان سے ناجائز اسرائیلی ریاست کو تسلیم کرنے کا پرزور مطالبہ کیا۔ مظاہرین کی قیادت کرتے ہوئے گاڈزپیپلز فیلوشپ آف پاکستان کے ڈپٹی سیکریٹری جنرل عامر سلیمان عزیز نے کہا کہ پاکستان میں مقیم عیسائیوں کو اسرائیل میں مقدس مقامات کے دورہ کیلئے اجازت دی جائے ۔ انہوں نے کہاکہ پاکستان اسرائیل کو بحیثیت ریاست تسلیم کرکے پاکستانی پاسپورٹ پر اسرائیل سفر کی اجازت فراہم کرے۔
یہ بھی پڑھیں: اسلام آباد اسٹاک ایکسچینج بڑی تباہی سے بچ گیا، 3سعودی نواز خطرناک تکفیری دہشتگرد گرفتار
عامر سلیمان عزیز نے کہاکہ گاڈزپیپلز فیلوشپ آف پاکستان کے با نی اشرف پی بٹ ایڈوکیٹ نے پاکستان سے اسرائیل کو تسلیم کروانے کی جدوجہد کاآغاز کیااور سپریم کورٹ آف پاکستان میں اسرائیل کو تسلیم کرنے کیلئے آئینی پٹیشن بھی داخل کروائی جس کی پیروی جاری ہے ، انہوں نےقومی اسمبلی میں اسرائیل کو تسلیم کرنے کی حمایت پر پاکستان تحریک انصاف کی رکن قومی اسمبلی اسماءحدید کا شکریہ بھی ادا کیا۔
یہ بھی پڑھیں: اسرائیل کی چالیس بڑی فرموں پر تباہ کن سائبر حملے، قیمتی اور حساس ڈیٹا چوری
واضح رہے کہ حکومت پاکستان کی جانب سے قائد اعظم محمد علی جناحؒ کے قبلہ اوّل پر قابض صیہونی حکومت کو کسی صورت تسلیم نہ کرنے کے واضح اور دو ٹوک موقف کی پیروی کے بعد امریکہ ، اسرائیل اور برادر عرب ممالک جن میں سعودی عرب اور متحدہ عرب امارات سرفہرست ہیں کہ مسلسل دباؤ ، دھونس دھمکیوں اور بیرون ملک مقیم پاکستانیوں کی جبری گمشدگیوں کے بعد اب پاکستان میں موجود صیہونی گماشتوں کی پشت پناہی کرتے ہوئے انہیں میدان میں اتارا جارہا ہے تاکہ حکومت پاکستان پر اسرائیل کو تسلیم کرنے کیلئے بیرونی دباؤکے ساتھ ساتھ اندرونی دباؤبھی ڈالا جاسکے ۔
یہ بھی پڑھیں:غرب اردن میں ہفتہ وار ریلی پر صیہونی فوج کا وحشیانہ تشدد، 1 شہید
یہ بات زہن نشین رہے کہ پاکستان کے 22 کروڑ غیور مسلمان کسی صورت قبلہ اوّل کے غاصب اور ہزاروں فلسطینی مسلمانوں کے قاتل اسرائیل کو تسلیم نہیں کریں گے چاہئے اس کی جو بھی قیمت چکانی پڑے ، فلسطینیوں کی حمایت اور اسرائیل کی مخالفت ہمارے ایمان کا جز ہے ۔
