آزمائش کی یہ گھڑی کورونا پر قابو پانے کے لیے محتاط روی کا تقاضہ کرتی ہے، ناصرشیرازی
ان کاکہنا تھا کہ دنیا بھر میں کورونا وائرس کے باعث پندرہ لاکھ سے زائد ہلاکتیں مرض کی سنگینی کا عکاس ہیں
شیعیت نیوز: مجلس وحدت مسلمین پاکستان کے مرکزی ڈپٹی سیکرٹری جنرل سید ناصر شیرازی نے کہ ہے کہ عوام کے ذمہ دارانہ کردار ادا کیے بغیر کورونا پر قابو پانا ممکن نہیں۔ ہمیں باشعور اور ذمہ دار شہری ہونے کا ثبوت دیتے ہوئے ایک دوسرے کی صحت کے تحفظ کو یقینی بنانا ہو گا۔
انہوں نے کہا کہ صحت مند معاشرہ ترقی کی ضمانت ہے۔کورونا وائرس کو روکنے کے لیے حکومت کی جانب سے جن ایس او پیز پر عمل کرنے کی ہدایات کی گئیں ہیں انہیں نظر انداز کر نا اپنے اور خاندان کی زندگی کو داؤ پر لگانے کے مترادف ہیں۔دنیا کے ترقی یافتہ ممالک اس آفت ناگہانی کا مقابلہ کرنے میں ناکام دکھائی دے رہے ہیں۔
یہ بھی پڑھیں: ایم ڈبلیوایم رہنما علامہ باقر زیدی کی ایرانی قونصلیٹ جنرل سے ملاقات ، شہید محسن فخری زادہ کی تعزیت اور فاتحہ خوانی
ان کاکہنا تھا کہ دنیا بھر میں کورونا وائرس کے باعث پندرہ لاکھ سے زائد ہلاکتیں مرض کی سنگینی کا عکاس ہیں۔جن ممالک نے حفاظتی ہدایات کو نظر انداز کیا انہیں بدترین نتائج کا سامنا کرنا پڑا۔آزمائش کی یہ گھڑی مرض پر قابو پانے کے لیے محتاط روی کا تقاضہ کرتی ہے۔
یہ بھی پڑھیں: المصطفیٰ انٹرنیشنل یونیورسٹی پر امریکی پابندی ناجائز اورانسانیت دشمنی کی بدترین مثال ہے، علامہ ساجد نقوی
انہوں نے کہا کہ کورونا وبا کو روکنے کے لیے حکومتی اقدامات قابل ستائش ہیں۔ تعلیمی اداروں کی بندش اور سرکاری اداروں میں ملازمین کی نصف تعداد سے آن لائن کام کی حکمت عملی ظاہر کرتی ہے کہ حکومت کی اولین ترجیح عوام کی صحت کا تحفظ ہے تاہم انفرادی کردار ادا کیے بغیر حکومت کی کوششیں ناکافی ثابت ہوں گی۔ ہر شخص کو اس سلسلے میں اپنے حصے کا کردار ادا کرنا ہو گا۔
