ریڈیو پاکستان کے750ملازمین کی برطرفی،ایم ڈبلیوایم رہنما ناصرشیرازی کا اظہار مذمت

شیعیت نیوز: مجلس وحدت مسلمین پاکستان کے مرکزی ڈپٹی سیکرٹری جنرل سید ناصر شیرازی نے ریڈیوپاکستان سے ساڑھےسات سو کارکنوں کو ملازمت سے برخاست کرنے پر شدید تشویش کا اظہار کرتے ہوئے اس آمرانہ اقدام قرار دیا ہے۔

انہوں نے کہا کہ مہنگائی کے ناقابل برداشت بوجھ سے عوام پہلے ہی شدید اضطراب کا شکار ہے ۔ ساڑھے سات سو افراد کو بے روزگار کر کے سینکڑوں خاندانوں سے ان کے رزق کا وسیلہ چھین لیا گیا ہے۔

یہ بھی پڑھیں: چھ سال کا طویل عرصہ گزر گیا مگر آج بھی وارثان شہداءجیکب آباد انصاف کے منتظر ہیں ،علامہ مقصودڈومکی

حکومت ریاستی اداروں کے انتظامی افسران کو ایسے اقدامات سے باز رکھے جو عوام میں مایوسی کو تقویت دینے کا باعث بن رہے ہیں۔ عوام کو باعزت روزگار کی فراہمی ریاست کا اولین فریضہ ہے۔

جو حکومت کڑوروں افراد کو نوکریاں دینے کا عہد کر کے اقتدار میں آئی اسے برسرروزگار افراد کو بے روزگار کرنا زیب نہیں دیتا۔ریاستی اداروں میں اصلاحات اور اخراجات میں کمی کے نام پر عوام کو بے روزگار نہ کیا جائے۔

یہ بھی پڑھیں: آئی ایس او پاکستان کے سابقین نے پاک فوج اور آئینی اداروں کے خلاف منفی پروپگینڈے کو قابل مذمت قرار دے دیا

جہاں افرادی قوت کم کرنا ضروری ہے وہاں گولڈن ہینڈ شیک طرز کی کسی سکیم کا اعلان کیا جانا چاہئیے تاکہ ملازمت سے برخاستگی کی صورت میں کوئی متبادل روزگار شروع کیا جا سکے۔قومی ادارے اپنی آمدن میں اضافے کے لیے اپنی پروڈکشن اور کارکردگی کو معیاری بنائیں۔

ریاست کا ہر شعبہ انتظامی بدحالی کی تصویر بنتا جا رہا ہے۔ان معاملات کو تدبر و حکمت سے قابو میں لانا ہو گا لوگوں سے روزگار چھیننا ان مسائل کا حل نہیں بلکہ عوام کے ساتھ بدترین زیادتی اور غیر منصفانہ اقدام ہے۔

یہ بھی پڑھیں: تشیّع کا یہ اعزاز ہے کہ رسول خدا کے حکم کے مطابق اُن کے معصوم جانشینوں کو مانتے ہیں، علامہ ریاض نجفی

انہوں نے وزیر اعظم عمران خان سے مطالبہ کیا ہے کہ ریڈیو پاکستان سے بلاجواز برخاست کیے جانے والے ملازمین کی فوری بحالی کے احکامات صادر کیے جائیں۔