پاکستان، افواج پاکستان اور دین اسلام کے خلاف سوشل میڈیاپر موجود مواد پر پابندی عائد
اس کے علاوہ اخلاق باختہ اور فخش مواد اپ لوڈ کرنے پر بھی فوری پابندی عائد کر دی گئی ہے۔ یو ٹیوب، فیس بک، ٹک ٹاک، ٹویٹر سمیت تمام کمپنیاں رولز کی پابند ہوں گی۔
شیعیت نیوز: سوشل میڈیا پر پاکستان، دفاعی اداروں اور اسلام مخالف مواد لگانے پر پابندی عائد،ملک دشمن امریکی، اسرائیلی اور بھارتی سازشوں کے نتیجے میں وطن عزیز پر سوشل میڈیا کے ذریعے ہائبرڈ وار کا مقابلہ کرنے کیلئےنئے قوائد وضوابط جاری کردیئے گئے ہیں ۔
تفصیلات کے مطابق بے لگام سوشل میڈیا کو لگام ڈالنے کیلئے نئے آن لائن رولز جاری کر دیئے گئے ہیں، جس کے مطابق یو ٹیوب فیس بک، ٹک ٹاک، ٹویٹر سمیت تمام کمپنیاں رولز کی پابند ہوں گی۔
یہ بھی پڑھیں: تشیّع کا یہ اعزاز ہے کہ رسول خدا کے حکم کے مطابق اُن کے معصوم جانشینوں کو مانتے ہیں، علامہ ریاض نجفی
نئے آن لائن رولز کے مطابق اسلام، دفاع پاکستان اور پبلک آرڈر کے بارے میں غلط معلومات دینے پر پانبدی عائد کر دی گئی ہے، جبکہ دفاعی اداروں اور پاکستان مخالف مواد پر بھی پابندی ہوگی۔
اس کے علاوہ اخلاق باختہ اور فخش مواد اپ لوڈ کرنے پر بھی فوری پابندی عائد کر دی گئی ہے۔ یو ٹیوب، فیس بک، ٹک ٹاک، ٹویٹر سمیت تمام کمپنیاں رولز کی پابند ہوں گی۔
یہ بھی پڑھیں: اس وقت جو کچھ اس وطن میں ہورہا ہےاس کے پیچھے فقط اندرونی نہیں بلکہ بیرونی قوتیں بھی کارفرماہیں،علامہ راجہ ناصرعباس
یاد رہے کہ پاکستان ٹیلی کمیونیکشن اتھارٹی کی جانب سے 9 اکتوبر کو قابل اعتراض مواد سامنے آنے کے بعد عوامی شکایات پر ٹک ٹاک پر پابندی عائد کر دی گئی تھی، تاہم اب پی ٹی اے نے مشروط اجازت کیساتھ ٹک ٹاک کو پاکستان میں بحال کر دیا ہے۔
پی ٹی اے کی جانب سے جاری کردہ بیان میں کہا گیا تھا کہ ٹک ٹاک کو مشروط بحال کرنے کا فیصلہ کیا گیا ہے، ٹک ٹاک انتظامیہ یہ یقین دہانی کروائی گی کی یہ مواد دوبارہ شائع نہیں ہو گا، جو اکاونٹ ممنوعہ مواد پھیلانے میں مصروف ہیں انہیں بند کیا جائے گا، مقامی قوانین کے مطابق اکاونٹس کو چلایا جائے گا۔
