سندھ حکومت کی عزاداروں پر قائم بےبنیادمقدمات کے خاتمےکی یقین دہانی ،شیعہ علماءواکابرین کا 16اور 18اکتوبر کا احتجاج موخر کرنے کا اعلان
اس موقع پرشیعہ علماءکونسل کے مرکزی رہنما علامہ شبیر حسن میثمی، ایم ڈبلیوایم صوبہ سندھ کے رہنما علی حسین نقوی، مجلس ذاکرین امامیہ کے صدر علامہ نظار قلندری اور علامہ رضی حیدرزیدی بھی موجود تھے ۔
شیعیت نیوز: شیعہ علماءواکابرین نے سندھ حکومت کی جانب سےعزاداران امام حسینؑ پر درج بےبنیاد ایف آئی آرز کے خاتمے اور مسائل کے حل کی یقین دہانی پر 16اور 18اکتوبر کو اعلان کردہ احتجاجی اجتماعات موخر کرنے کا اعلان کردیاہے ۔
تفصیلات کے مطابق پاکستان پیپلز پارٹی کی سندھ حکومت کی جانب سے مشیر وزیر اعلیٰ سندھ سید وقار مہدی اور صوبائی وزیر تعلیم سعید غنی پر مشتمل ایک وفد نے شیعہ علماءکونسل کے صوبائی دفتر میں ایس یو سی صوبہ سندھ کے صدر علامہ ناظر تقوی اور دیگر شیعہ علماءواکابرین سے ملاقات کی ۔
یہ بھی پڑھیں: ایم ڈبلیوایم شعبہ خواتین کے وفد کا دورہ نارروال ، پولیس گردی کی شکار مظلوم خواتین سے ملاقات
ذرائع کے مطابق شیعہ علماءواکابرین نے سندھ حکومت کے نمائندہ وفد سے گفتگو کے دوران ایام محرم و صفر میں عزاداران امام حسینؑ پر سندھ بھرمیں کاٹی گئیں جھوٹی اور بے بنیاد ایف آئی آرز پر شدیدتحفظات کا اظہار کیا۔ رہنماؤں نے کہاکہ عزاداران امام حسین ؑ پر فقط پیدل چل کر جلوسوں میں شرکت کرنے پر مقدمات کا اندراج بنیادی شہری ومذہبی آزادی کے برخلاف ہے۔
پیپلز پارٹی کے رہنماؤں نے سندھ حکومت کی جانب سے شیعہ علماءواکابرین کے تحفظات دور کرنے اور مسائل کے فوری حل کی یقین دہانی کروائی جس پر علامہ ناظرعباس تقوی نے 16اکتوبر پر سندھ بھر اور 18اکتوبرکو وزیر اعلیٰ ہاؤس پر احتجاج کو موخر کرنے کا اعلان کیا ۔
یہ بھی پڑھیں: کالعدم وہابی تنظیم تحریک طالبان کا پاک فوج پر حملہ، 6فوجی جوان شہید
اس موقع پرشیعہ علماءکونسل کے مرکزی رہنما علامہ شبیر حسن میثمی، ایم ڈبلیوایم صوبہ سندھ کے رہنما علی حسین نقوی، مجلس ذاکرین امامیہ کے صدر علامہ نثار قلندری اور علامہ رضی حیدرزیدی بھی موجود تھے ۔
