ایران میں لوگ کورونا سے مررہے ہیں،عالمی طاقتوں کو اب اپنا رویہ بدلنا ہوگا، بلاول بھٹو

شیعت نیوز: چیئرمین پاکستان پیپلز پارٹی بلاول بھٹو زرداری نے غیر ملکی ٹی وی کو انٹرویو دیتے ہوئےنے کہا ہے کہ کورونا سے باہمی عالمی تعاون سے ہی نجات حاصل کی جاسکتی ہے، امیر اور وسائل رکھنے والے ممالک کو غریب ملکوں کی مدد کرنا ہوگی، غریب ممالک کے پاس اتنے وسائل نہیں کہ وہ تن تنہا کورونا کا مقابلہ کرسکیں، عالمی طاقتوں کو ٹیسٹنگ کٹس اور سہولیات کی دنیا بھر میں منصفانہ تقسیم کرنا ہوگی۔

یہ بھی پڑھیں: علامہ راجہ ناصرعباس کا دعویٰ پاکستان میں کورونا زائرین سےنہیں حکومتی ناقص حکمت عملی سے پھیلا

بلاول بھٹو زرداری کہا کہ عالمی طاقتوں کو اب اپنا رویہ بدلنا ہوگا، آج بھی ایران پر پابندیاں ہیں جہاں لوگ کورونا کی وجہ سے مر رہے ہیں، بھارت اب تک مقبوضہ کشمیر کو بند کئے بیٹھا ہے، مقبوضہ کشمیر میں 250 دن سے لاک ڈاؤن ہے، مقبوضہ کشمیر میں لوگوں کے پاس کوئی سہولت نہیں۔

یہ بھی پڑھیں: ریاست کےلاڈلے ملا عبد العزیز عرف برقعہ والی سرکار نے ایک مرتبہ پھر ریاستی رٹ کو چیلنج کردیا

بلاول بھٹو زرداری نے کہا کہ پاکستان بھی کورونا وائرس سے بری طرح متاثر ہوا ہے، ہمارا نظام صحت اتنا وسیع نہیں کہ اس وباء کا مقابلہ کرسکے، ہم لاک ڈاؤن اور سماجی دوری کے ذریعے ہی بچ سکتے ہیں، اٹلی اور برطانیہ جیسے ملکوں کا نظام صحت بھی بیٹھ گیا ہے، ہمارے پاس اٹلی اور برطانیہ کے مقابلے میں صحت کا نظام بہت کمزور ہے، اگر پاکستان میں کورونا کا پھیلاؤ بڑھا تو ہمارا نظام صحت بیٹھ جائے گا۔ انہوں نے کہا کہ پاکستان کی اپوزیشن نے وفاقی حکومت کو مشترکہ کاوشوں کی پیشکش کی، وفاقی حکومت کورونا سے نمٹنے کیلئے سست رفتاری سے کام کر رہی ہے، صوبے اپنے اپنے طور پر کام کر رہے ہیں۔