اقوام متحدہ کا ترقی پذیر ممالک پر عائد پابندیاں ختم کئے جانے کا مطالبہ
شیعت نیوز: اقوام متحدہ کی جنرل اسمبلی کے سربراہ نے کورونا کی روک تھام کے لئے ترقی پذیر ممالک کے خلاف عائد پابندیاں ختم کئے جانے کا مطالبہ کیا ہے۔
اسپوتنک نیوز ایجنسی کے مطابق تیجانی محمد باندی نے کہا کہ تمام پابندیاں بالخصوص وہ پابندیاں جو ممالک تک طبی سہولیات اور دواؤں کی ترسیل میں رکاوٹ ہیں، انہیں فوری طور پر اٹھائے جانے کی ضرورت ہے۔
اقوام متحدہ کی جنرل اسمبلی کے سربراہ نے تمام ممالک سے اپیل کی کہ وہ کورونا کی روک تھام کے لئے ایک دوسرے کا سہارا بنیں۔
یہ بھی پڑھیں : اقوام متحدہ کا ایران کے خلاف پابندیوں کو ختم کرنے کا مطالبہ
اس سے قبل اقوام متحدہ کے سیکریٹری جنرل اینٹونیو گوترش نے گروپ جی ٹوئنٹی کے سربراہوں کے نام ایک خط میں یہ مطالبہ کیا تھا کہ وہ مختلف ممالک کے خلاف عائد پابندیاں ختم کریں تاکہ کورونا کی روک تھام کے لئے طبی وسائل اور دواؤں کی ترسیل کو یقینی بنایا جا سکے۔
دوسری جانب تین ہزار ایرانی عوامی یوتھ آرگانزیشنز نے اقوام متحدہ کے نام میں ایک خط میں ان سے ایران مخالف امریکی پابندیوں کے تسلسل کو روکنے کا مطالبہ کیا۔
ان خیالات کا اظہار محکمہ برائے کھیل اور نوجوانوں کے امور کے سربراہ محمد مہدی تندگویان نے منگل کے روز کیا۔
انہوں نے مزید کہا کہ ایران اور دنیا بھر میں کورونا وائرس کے پھیلاؤ سے رونما ہونے والے بحران کے پیش نظر اور ملک پر اٹھائے گئے شدید نقصانات کی وجہ سے تین ہزار ایرانی یوتھ آرگایزیشنز نے اقوام متحدہ کے سربراہ اینٹونیو گوترش کے نام میں ایک خط لکھا جس پر تین ہزار افراد نے دستخط کیا ہے۔
تندگویان نے کہا کہ لکھے گئے خط میں سربراہ اقوام متحدہ کے سربراہ سے ایران مخالف امریکی پابندیوں کے موضوع کا تعاقب اور اس مشکل صورتحال میں ان پابندیوں کو اٹھانے کیلئے اقدامات اٹھائیں۔
واضح رہے کہ پابندیاں اٹھائے جانے پر مبنی عالمی مطالبے کے باوجود امریکہ ایران کے خلاف اپنی غیر قانونی پابندیوں کا سلسلہ نہ صرف جاری رکھے ہو ئے ہے بلکہ ان میں آئے دن اضافہ بھی کر رہا ہے۔
