حکومت کی ناقص حکمت عملی نے ہزاروں پاکستانیوں کوکورونا میں مبتلا کردیا، علی اویس زیدی
بدقسمتی سے پاکستان میں وبائی مرض سے بچاوکی بجائے خوف و ہراس طاری کیا جارہا ہے اور ساتھ ہی ساتھ سیاسی مقاصد کے لئے استعمال کیا جارہا ہے
شیعت نیوز: امامیہ اسٹوڈنٹس آرگنائزیشن پاکستان کے مرکزی جنر ل سیکرٹری علی اویس زیدی نے کہاکہ دنیا بھر کے انسان موذی وائرس کا شکار ہورہے ہیں اور ہر ملک میں قومی سطح پر آگاہی مہم اور بحیثیت قوم اس وائرس کا مقابلہ کیا جارہا ہے لیکن بدقسمتی سے پاکستان میں وبائی مرض سے بچاوکی بجائے خوف و ہراس طاری کیا جارہا ہے اور ساتھ ہی ساتھ سیاسی مقاصد کے لئے استعمال کیا جارہا ہے ۔
یہ بھی پڑھیں: سعودیہ عرب سے واپس آنے 2مسافرپاکستان میں کورونا وائرس کے پہلے جاں بحق قرار
سکھر پریس کلب میں پریس کانفرنس کرتے ہوئے علی اویس زیدی کا کہنا تھا کہ ہزاروں زائرین کو کئی دن تک ایک جگہ رکھ کر بیمار ہونے کےلئے کیوں چھوڑا گیا۔؟ حقیقت سے راہ فرار کیوںاختیار کیا جا رہا ہے۔؟ ملت تشیع پاکستان اس مشکل صورتحال میں تعاون کے لئے تیار ہے لیکن زائرین کی تذلیل ناقابل برداشت ہے اس لئے پراپیگنڈہ کی بجائے عملی اقدامات اٹھائے جائیں۔
یہ بھی پڑھیں: سعودیہ،چائنا،برطانیہ سے آنے والے مسافروں کی وجہ سے 22 کروڑ پاکستانیوں کی جان خطرے میں
آئی ایس او کے رہنماوں کا مزید کہنا تھا کہ حکومتی ناقص پالیسی اور غیر ذمہ دارانہ رویہ نے ہزاروں افراد کی زندگیوں کو موذی مرض میں مبتلا کردیا ہے ۔تفتان میں جگہ کی کمی کے بعد مریضوں اور صحت مند افراد کو اکٹھے رہائشی سہولیات دی گئی جس کے باعث بیسیوں افراد اس وائرس کاشکار ہوئے ہیں ہم حکومت سے مطالبہ کیا کہ زائرین کو فی الفور بنیادی سہولیات فراہم کی جائیں اور میڈیا پر جاری ملت تشیع پاکستان کیخلاف زہریلا پروپیگنڈہ فوری روکا جائے۔
یہ بھی پڑھیں: شہید استاد سبط جعفر زیدی ؒ کو بچھڑے سات برس بیت گئے،قاتل تاحال آزاد
مرکزی جنرل سیکرٹری علی اویس زیدی کا کہنا تھا کہ سندھ حکومت نے کرونا وائرس کےخطرے کے باعث تعلیمی اداروں کو بند کردیا ہے لیکن ہزاروں طلباء کے مستقبل کو دائو پر لگا دیا ہے ۔جامعات میں آخری سمسٹر ،او لیول اے لیول اور میٹرک امتحانات کے امیدوار طلبا بھی غیر واضح تعلیمی منصوبہ بندی کے باعث پریشان ہے حکومت سندھ سے مطالبہ کرتے ہیں اس گھمبیر صورتحال میں شکایات کا ازالہ کریں ۔
یہ بھی پڑھیں:آئی ایم ایف کی اربوں ڈالر امدادکی خاطر زائرین کو ذلیل وسواکیا جارہاہے،علامہ حمید امامی
انہوں نے ایک سوال کے جواب میں کہا کہ آئی ایس او پاکستان نے ملک بھر میں اجتماعی نشستوں کو عارضی طو رپر موخر کردیا ہے اور احتیاطی تدابیر پر عمل کرنے کے لئے آگاہی اور صفائی مہم کا آغاز کردیا ہے کیونکہ ہم سمجھتے ہیں کہ اس انسان کش وباء سے چھٹکارا دعاو مناجات کے ساتھ ساتھ احتیاطی تدابیر پر عمل کرنے سے ہی ممکن ہے ۔
