اسرائیل کے ساتھ تعلقات کی برقراری خیانت اور غداری ہے۔ انصاراللہ
شیعت نیوز: یمن کی عوامی تحریک انصاراللہ کے سربراہ عبدالملک بدرالدین الحوثی نے اسرائیل کے ساتھ تعلقات کی برقراری کو حرام اور امت اسلامیہ سے غداری قراردیا ہے۔
یمن کی عوامی تحریک انصاراللہ کے سربراہ نے ماہ مبارک رجب کی آمد کی مناست سے اپنے بیان میں اسلامی بیداری کی اہمیت اور دشمنوں کی سازشوں کا مقابلہ پر زور دیا اور کہا کہ ہم اس وقت دیکھ رہے ہیں کہ بعض عرب ممالک اسرائیل کے ساتھ تعلقات برقرار کر رہے ہیں جبکہ یہ اقدام شرعی لحاظ سے حرام اور امت اسلامیہ سے خیانت اور غداری ہے۔
عبدالملک بدرالدین الحوثی نے اس بات کا ذکرکرتے ہوئے کہ منافق حکام آج امریکہ اور اسرائیل کے ساتھ کھڑے ہیں اور وہ امت اسلامیہ، فلسطین، یمن اور دیگر اسلامی ملکوں کے خلاف دشمنانہ موقف اپنائے ہوئے ہیں کہا کہ امریکہ اور صیہونی حکومت امت اسلامیہ کو کمزور کرنا چاہتی ہے۔
یہ بھی پڑھیں : یمن میں سعودی عرب کی جنگ بندی معاہدے کی خلاف ورزیاں
انصاراللہ کے سکریٹری جنرل بدرالدین الحوثی نے جارح قوتوں کے مقابلے میں یمنی عوام کی استقامت و پامردی پر زور دیتے ہوئے کہاکہ یمن کی فوج اور عوامی رضاکارفورس نے ملک کے دفاع کے لئے دفاعی صنعت کی جدید کاری کررہی ہیں۔
اس درمیان اطلاعات ہیں کہ یمن کے مرکزی صوبے الجوف کے شہر الجزم کا یمن کی فوج اور عوامی رضاکارفورس نے پوری طرح محاصرہ کرلیا ہے اور جلد ہی یہ شہر جارح اور غاصب قوتوں کے قبضے سے آزاد ہوجائے گا۔
صوبہ الجوف میں یمنی فورسز نے سدبا محاذ کی جانب پیشقدمی کرتے ہوئے السفینہ پہاڑیوں پر اپنا کنٹرول کرلیا ہے اور اب الجزم شہر تین طرف سے یمنی فورسز کے محاصر میں آگیا ہے۔ یمنی فوج کی اس پیشقدمی کے بعد صوبہ الجوف کے ستر فیصد سے زائد علاقے پر یمنی فوج اور عوامی رضاکارفورس کا کنٹرول ہوگیا ہے۔
