حکومت کرپشن کے خاتمے کیساتھ مہنگائی اور بے روزگاری کے خلاف بھی آگے بڑھے، یعقوب شہباز
انہوں نے کہاکہ اب بھی وقت ہے کہ حکومت عوام سے کئے گئے تمام وعدوں کو پورا کرے ورنہ عوام کا اعتماد حکمرانوں سے ختم ہوجائے گا
شیعت نیوز: جعفریہ الائنس پاکستان کے رہنماءاور معروف سماجی شخصیت محمد یعقوب شہباز کا کہنا ہے کہ موجودہ حکومت کو کرپشن کے خلاف اقدامات ضرور کرنے چائیں لیکن اس کے ساتھ ساتھ مہنگائی غربت اور بے روزگاری کے خاتمے کے لئے بھی آگے بڑ ھنا ہوگا۔
یہ بھی پڑھیں: داعشی سہولتکاربرقعہ پوش مفرور ملا عبد العزیز کا پھرسے لال مسجد پر مسلح قبضہ،اہلیہ ام حسان پر مقدمہ درج
انہوں نے کہا کہ حکومت کی گزشتہ کئی ماہ کی کارکردگی انتہائی مایوس کن ہے، غریب عوام پر نئے ٹیکسوں کا بوجھ لادا جارہا ہے، مہنگائی میں کئی گناہ اضافہ ہوچکا ہے، اس جان لیوا مہنگائی نے عوام کی زندگی عزاب بنا رکھی ہے، ملک بھر میں بارہ بارہ گھنٹے کی لوڈشیڈنگ نے بھی نظام زندگی کو معطل کردیا ہے۔
یہ بھی پڑھیں: کراچی، دوبرس سے جبری لاپتہ شیعہ عزادار تابش عباس زیدی بازیاب، باحفاظت گھر پہنچ گئے
یعقوب شہباز نے کہا کہ بجلی و گیس کی قیمتوں کے بڑھنے سے عوامی مشکلات دن بدن بڑھتی جارہی ہیں، وفاقی حکومت سے جو عوامی توقعات تھیں وہ ابھی تک پوری نہیں ہوسکیں، اگر عوام کو بنیادی سہولیات فراہم نہیں کی گئی جو عوام کا بنیادی حق ہے تو پھر عوام تبدیلی کے نعروں کو صرف نعرے ہی سمجھیں گے۔
یہ بھی پڑھیں:اسلامی انقلاب کی کرنیں پاکستان سمیت پورے خطے پر اثرانداز ہوئی ہیں،علامہ اقتدار نقوی
انہوں نے کہاکہ اب بھی وقت ہے کہ حکومت عوام سے کئے گئے تمام وعدوں کو پورا کرے ورنہ عوام کا اعتماد حکمرانوں سے ختم ہوجائے گا، جو کسی بھی صورت ملک کے لئے اچھا اقدام ثابت نہیں ہوگا۔
