وحدت کانفرنس ،مجلس وحدت مسلمین پاکستان کیجانب سے بھرپور رابطہ مہم جاری

شیعت نیوز :وحدت کانفرنس کے انعقاد کے حوالے سے مجلس وحدت مسلمین پاکستان کی جانب سے تیاریاں زور و شور سے جاری ہیں۔مذہبی و سیاسی جماعتوں کے قائدین اور رہنماؤں کو دعوت نامے دیئے جانے کا سلسلہ جاری۔

اطلاعات کے مطابق مجلس وحدت مسلمین پاکستان کی جانب سے لاہور میں وحدت کانفرنس کے انعقاد کے حوالے سے تیاریاں زور و شور سے جاری ہیں۔سیکریٹری سیاسیات اسد عباس نقوی اور شوریٰ عالی کے رکن علامہ مبارک موسوی کی لاہور میں مختلف مذہبی و سیاسی شخصیات سے ملاقاتیں اور کانفرنس میں شرکت کی دعوت۔مجلس وحدت مسلمین پاکستان کی جانب سے جاری ہونے والے اعلامیے کے مطابق مرکزی سیکریٹری سیاسیات سید اسد عباس نقوی اور شوریٰ عالی کے رکن علامہ مبارک موسوی نے جامعہ نعیمیہ اسلام آباد کے مہتمم مفتی گلزار نعیمی، صاحبزادہ پیر اصرارالحق چشتی نظامی، پیر عثمان نوری، پروفیسر مفتی شبیر انجم اور پیر عامر چشتی سے ملاقاتیں اور انہیں کانفرنس میں شرکت کی دعوت دی۔ اس موقع پر جمعیت علمائے پاکستان نیازی کے مرکزی رہنما ڈاکٹر امجد چشتی بھی ان کے ہمراہ موجود تھے۔

یہ بھی پڑھیں :یکم نومبر،جشن آزادی گلگت بلتستان پر علامہ راجہ ناصرعباس کا شہدائے آزادی کو خراج تحسین

مجلس وحدت مسلمین پاکستان کے سیکریٹری سیاسیات اور وزیراعلیٰ پنجاب کے فوکل پرسن برائے بین المذاہب ہم آہنگی اسد عباس نقوی کا کہنا تھا کہ وحدت دور حاضر کی اولین ضرورت بن چکی ہے، اسلام دشمن قوتوں کے ناپاک عزائم کا مقابلہ ہم باہمی اتحاد سے ہی کر سکتے ہیں اور یہ وحدت کانفرنس اسی سلسلہ کی ایک کڑی ہے۔ مفتی گلزار نے کہا کہ ایم ڈبلیو ایم کی وحدت کیلئے کوششیں لائق تحسین ہیں، وہ کانفرنس میں ضرور شریک ہوں گے۔