گلگت سے دو جوانوں کی جبری گمشدگی ،ہمیں بتایا جائے انہیں کس جرم میں اٹھایا گیا؟آغا راحت حسینی

شیعت نیوز: مرکزی جامع مسجد امامیہ گلگت کےخطیب آغا راحت حسین الحسینی نے کہا ہے کہ پاکستان اگر گلگت بلتستان کو آئینی حقوق نہیں دے سکتا تو سٹیٹ سبجیکٹ رول ختم کیوں کیا؟ جی بی کو آزاد کشمیر طرز کا سیٹ اپ دیا جائے۔

یہ بھی پڑھیں: گلگت بلتستان کے خلاف سوشل میڈیا پر منظم سازش کے تحت نفرت انگیر بیانات دیئے جا رہے ہیں، آغا راحت حسین الحسینی

نماز جمعہ کے اجتماع سے خطاب کرتے ہوئے سید راحت حسین الحسینی نے کہا کہ ہم سب کو ایک ہو کر حقوق کیلئے آواز حق بلند کرنی ہوگی۔ شیعہ، سنی اور اسماعیلی بھائی بھائی ہیں، محرم الحرام میں سب سے پہلے امام حسینؑ کا ذکر کرتے ہیں، باہمی اختلافات ختم کر کے ایک دوسرے کو گلے لگا کر اتحاد بین المسلمین کا ثبوت دیں اور انتشار پھیلانے والے اصل عناصر کو بے نقاب کریں۔

انہوں نے کہا کہ گلگت سے دو جوانوں کو غائب کیا گیا ہے، کئی دن ہوئے ان کا کوئی پتہ نہیں چل رہا، ہمیں بتایا جائے انہیں کس جرم میں اٹھایا گیا؟