غاصب اسرائیل عالمی امن و سلامتی کے لیے خطرہ ہے، چیئرمین سینیٹ صادق سنجرانی

شیعت نیوز: حمید عبداللہ حسین الاحمر کی قیادت میں اسلام آباد پہنچنے والے القدس پارلیمنٹ کے وفد سے بات چیت کرتے ہوئے پاکستان کے ایوان بالا سینیٹ کے چیئرمین صادق سنجرانی نے کہا ہے کہ صیہونی حکومت فلسطینیوں کے خلاف دہشت گردی کا ارتکاب کر رہی ہے۔

انہوں نے اسرائیل کو خطے میں دہشت گردی کے فروغ کا ذمہ دار قرار دیتے ہوئے عالمی برادری سے اپیل کی کہ وہ مقبوضہ فلسطینی علاقوں میں عام شہریوں کی جان و مال کے تحفظ اور خطے میں پائیدار امن کے قیام میں اپنا کردار ادا کرے۔

یہ خبر بھی لازمی پڑھیں:حکومت پر اسرائیل کو تسلیم کرنے کے لیے دباو ڈالا گیا، شیرین مزاری کا اعتراف

پاکستانی سینیٹ کے چیئرمین نے یہ بات زور دے کر کہی کہ پاکستان کی حکومت اور اس ملک کے عوام فلسطینی کاز اور مظلوم فلسطینیوں کی حمایت کا سلسلہ جاری رکھیں گے۔
انہوں نے کہا کہ پاکستان آزاد فلسطینی ریاست کے قیام کا حامی ہے جس کا دارالحکومت بیت المقدس ہونا چاہیے۔

یہ بتاتے چلیں کہ القدس کے پارلیمانی وفد کے ارکان نے اسلام آباد میں قائم انٹرنیشنل اسٹریٹیجک اسٹڈیز انسٹی ٹیوٹ کا بھی دورہ کیا۔