واجب القتل اورکافر قرار دینے کا حق کسی فردیا مدرسے کو حاصل نہیں، وزیر مذہبی امور،پیر نورالحق

شیعیت نیوز: وفاقی وزیر مذہبی امورپیر نور الحق قادری نے سینیٹ اجلاس میں وقفہ سوالات کے دوران جواب دیتے ہوئے کہا کہ پاکستان کےآئین نے قادیانیوں کو اقلیت قرار دیا ہوا ہے اور وہ اقلیت ہی تصور ہوں گے، قادیانیت کےلیے اس حکومت کا کوئی نرم گوشہ نہیں۔ نور الحق قادری کا کہنا تھا کہ بین المذاہب ہم آہنگی کے فروغ کے لیے اقدامات اٹھائے جا رہے ہیں، کسی کو کافر اور واجب القتل قرار دینے کا حق کسی فرد یا مدرسے کو حاصل نہیں، ریاست کے تمام ادارے انتہا پسندی کے خاتمے کے لیے الرٹ ہیں، جبکہ ہم شریعہ ایکٹ پر جلد عملدرآمد چاہتے ہیں۔