یمن پر سعودی جارحیت، 17 شہید و زخمی
سعودی عرب کے اتحادی جنگی طیاروں نے کل رات ایک بار پھر یمن کے دارالحکومت کے قریب واقع علاقے العمشیه پر بمباری کی جس کے نتیجے میں 12 عام شہری شہید اور 5 زخمی ہوئے جبکہ کل شام کے وقت اسی علاقے پر ہونے والے حملے میں 7 افراد شہید ہوئے تھے۔
دوسری جانب المسیرہ نے رپورٹ دی ہے کہ یمنی فورسز نے سعودی عرب کی وحشیانہ بربریت کے جواب میں سعودی عرب پر بیلسٹک میزائل داغا ہے یمنیوں کے بیلسٹک میزائلوں اور ڈورون حملوں سے سعودی عرب پر وحشت طاری ہے۔
اطلاعات کے مطابق یمن فورسز نے سعودی عرب کے علاقہ جیزان پربیلسٹک میزائل داغا ہے جس نے اپنے ہدف کو ٹھیک نشانہ بنایا ہے۔
سعودی عرب نے امریکا اور اسرائیل کی حمایت سے اور اتحادی ملکوں کے ساتھ مل کر چھبیس مارچ دوہزار پندرہ سے یمن پر وحشیانہ جارحیتوں کا سلسلہ شروع کر رکھا ہے ۔ اس دوران سعودی حملوں میں دسیوں ہزار یمنی شہری شہید اور زخمی ہوئے ہیں جبکہ دسیوں لاکھ یمنی باشندے اپنے گھر بار چھوڑنے پر مجبور ہوئے ہیں ۔
یمن کا محاصرہ جاری رہنے کی وجہ سے یمنی عوام کو شدید غذائی قلت اور طبی سہولتوں اور دواؤں کے فقدان کا سامنا ہے ۔
سعودی عرب نے غریب اسلامی ملک یمن کی بیشتر بنیادی تنصیبات اسپتال اور حتی مسجدوں کو بھی منہدم کردیا ہے –
