افغانستان میں داعش کا بڑھتا ہوا اثر و رسوخ ایشیا کے امن کے لئے خطرے کی گھنٹی ہے
شیعیت نیوز: افغانستان میں عالمی دہشتگردتنظیم داعش کا بڑھتا ہو ا اثر و رسوخ ایشیا کے امن کے لئے خطرے کی گھنٹی ہے ان خیالات کا اظہار سربراہ مجلس وحدت مسلمین پاکستان علامہ راجہ ناصر عباس جعفری نے اپنے ایک بیان میں کیا ان کا کہنا تھا کہ امریکہ کی دنیا بھر میں آزاد ریاستوں پر عالمی قوانین کے بر خلاف اقدامات نے دنیا کا امن برباد کر رکھا ہے ۔اپنے عزائم کی تکمیل کے لئے دہشتگر د گروہوں کی پرورش کرنااور پھر ان سے لڑنے کا ڈھونگ رچا کر آزاد ریاستوں میں فوجی مداخلت کرنا اس کا وطیر ہ بن چکاہے ۔ مشرق وسطی میں داعش کی شکست کے بعد امریکہ اپنے بچے کھچے ہوئے دہشگردوں کے لئے نئے محاذ ڈھونڈ رہا ہے ۔ایشیا کو غیر مستحکم رکھنا امریکہ کے مفاد میں ہے جس کے لئے ایک مرتبہ پھر کمزور ملک افغانستان کی سرزمین کو استعمال کیا جار ہے ۔ کابل حکومت کی افغانستان کے بشتر حصوں میں رٹ عملا ختم ہو چکی ہے ۔غیر مستحکم افغانستان پاکستان کے مفاد میں نہیں ہے ۔پاکستان اور افغانستان کے درمیان بداعتمادی کی فضا دونوں ممالک کے لئے نقصان دہ ہے ۔پاکستان نے دہشتگردی کی جنگ میں اپنی استطاعت سے بڑھ کر قربانیاں دی ہیں ۔ دہشتگرد داعش تنظیم کی بڑھتی ہوئی سرگرمیوں کے خلاف خطے کے ممالک کو مل کر سنجیدہ کوششیں کرنا ہوں گئی۔افغانسان میں امریکہ کے مکمل انخلاکے بغیرامن قائم نہیں ہو سکتا ۔
