پاکستان پر امریکی غصے کی وجہ خطے میں نیا اتحاد ہے ، گلبدین

شیعیت نیوز: افغانستان کے سابق وزیراعظم اور حزب اسلامی کے سربراہ گلبدین حکمت یار نے کہا ہے کہ امریکا کی جانب سے پاکستان کی امداد روکے جانےاور غصے کی وجہ عدم تعاون نہیں بلکہ واشنگٹن کو پتہ ہے کہ خطے میں اس کے خلاف نیا اتحاد بن رہا ہے۔کابل میں افغان میڈیا سے بات کرتے ہوئے حزبِ اسلامی کے سربراہ گلبدن حکمت یار نے کہا کہ اسی خدشے کے پیشِ نظر واشنگٹن  نے اسلام آباد کے خلاف سخت موقف اپنایا ہے۔ افغانستان کی داخلی سیاسی و سیکورٹی صورتحال کا ذکر کرتے ہوئے سابق وزیراعظم نے کہا کہ ملک کو موجودہ بحران سے نکالنے کا واحد حل آئندہ صدارتی انتخابات ہی ہیں جس پرحزبِ اسلامی اپنی پوری نظریں جمائے ہوئے ہے اور کامیابی کے لیے دیگر سیاسی قوتوں سے بات چیت جاری ہے۔