نائجیریا میں اربعین حسینی کے کارروان پر حملہ، دو زائرین کو شہید

نائجیریا کی پولیس نے کانو صوبے میں اربعین حسینی کے کارروان پر حملہ کر کے دو زائرین کو شہید کردیا۔

شیعت نیوز کو موصول ہونے والی اطلاعات کے مطابق نائجیریا کی خبر رساں ایجنسی ونگارڈ کی رپورٹ میں کل نائجیریا کی پولیس نے کانو صوبے میں اربعین حسینی کے کارروان پر حملہ کر کےدو زائرین کو شہید کردیا۔ شہید ہونے والوں میں ایک خاتون اور اس ملک کے شیعوں کے رہنماعبدالقادر سوناسی (Sunusi Abdulkadir) بھی شامل ہیں۔

ایک عینی شاہد کے مطابق یہ حملہ زاریا ( Zaria) شہر کے مشہور پل لاڈو (Lado) میں ہوا۔

نائجیریا کی پولیس نےاربعین حسینی کے کارروان کو منتشر کرنے کے لئے آنسو گیس کا استعمال کیا اور فائرنگ کی۔ ہونے والی فائرنگ سے کئی عزادار زخمی ہوئے جن میں عورتیں اور بچے بھی شامل ہیں۔

واضح رہے کہ دسمبر2015 میں نائجیریا کی فوج نے زاریا ( Zaria) شہر میں عزادروں پر حملہ کیاتھا جس کے نتیجے میں کئی نائجیرین مسلمان شہید اور زخمی ہوئے تھے اور فوج نے نائجیریا کی اسلامی تحریک کے قائدشیخ ابراہیم زکزاکی،ان کی اہلیہ اور بڑی تعداد میں شیعہ مسلمانوں کو گرفتار کیا تھا اور اس وقت سے لے کر اب تک شیخ ابراہیم زکزاکی جیل میں قید ہیں۔