داعش کوامریکا میں داخل نہیں ہونے دیں گے، امریکی صدر ٹرمپ

امریکی صدر ڈونلڈ ٹرمپ نے مین ہٹن حملے پر افسوس کا اظہار کرتے ہوئے اسے پاگل پن قرار دیتے ہوئے کہا کہ داعش کوامریکا میں داخل نہیں ہونے دیں گے۔

تفصیلات کے مطابق امریکی صدر ٹرمپ نے سماجی رابطے کی ویب سائٹ ٹوئٹر پر اپنے پیغام میں نیویارک کے علاقے مین ہیٹن حملے کی مذمت کرتے ہوئے کہا سیکیورٹی ادارےواقعےکی باریک بینی سےتحقیقات کررہےہیں، امریکا میں ایسے واقعات نہیں ہونے دیں گے۔

ٹرمپ نے اپنے ٹوئٹ میں کہا کہ داعش کومشرق وسطیٰ ودیگرجگہوں پرشکست دی،اب لوٹنےنہیں دینگے، ہم داعش کوامریکا میں داخل نہیں ہونے دیں گے، حکام کوامیگریشن مزید سخت کرنے کوکہا ہےامریکی صدر نے کا کہنا تھا کہ حملے کےمتاثرین اورخاندانوں سےاظہارتعزیت کرتاہوں۔

دوسری جانب برطانوی وزیراعظم ٹریزا مے نے نیویارک واقعہ پرافسوس ظاہرکیا اورمتاثرین سے اظہاریکجہتی کیا ہے۔

یاد رہے کہ امریکی شہر نیویارک کے علاقے مین ہٹن میں ایک شخص نے راہگیروں کو ٹرک تلے کچل ڈالا، حادثے میں 8 افراد ہلاک اور ایک درجن سے زائد زخمی ہوگئے جبکہ حملہ آور کو زخمی حالت میں گرفتار کرلیا گیا ہے۔

حکام کے مطابق حملہ آور کا تعلق ازبکستان سے ہے جو سنہ 2010 میں ہجرت کر کے امریکا آیا جبکہ امریکی میڈیا کا دعویٰ ہے کہ حملہ آور سیفولو کی گاڑی سے داعش کا جھنڈا بھی ملا ہے۔