امریکی جنرل کی زبان سے شام میں امریکی فورسز کی تعداد کا راز فاش

ایک سینیئر امریکی جنرل نے نہ چاہتے ہوئے شام میں اپنی فوج کی تعداد فاش کردی۔

آناتولی نیوزکےمطابق شام میں داعش کیساتھ لڑنے والی بین الاقوامی فورسز کے کمانڈر جیمز جرارڈ کی زبان سے گزشتہ روز امریکی وزارت دفاع میں پریس کانفرنس کے دوران نہ چاہتے ہوئے نکل گیا کہ شام میں 4چار ہزار امریکی فوجی شامی ڈیموکریٹک فورسز کی حمایت کا ہدف لیے موجود ہیں لیکن جب متوجہ ہوا تو فوری طور پر کہا کہ معذرت چاہتا ہوں کہ مجھ سے غلطی ہوگئی شام میں امریکی فوج کی تعداد صرف 500 پانچ سو ہے۔

امریکی وزارت دفاع کی طرف سے اعلان کردہ سرکاری اعداد و شمار کے مطابق شام میں موجود گشتی فورسز کے علاوہ پانچ سو تین فوجی ہیں۔

عین اسی وقت پینٹاگون کے نمائندہ اریک باھون نے وضاحت کی کہ جنرل جرارڈ کی طرف سے بتائی گئی امریکی فوج کی تعداد ٹھیک نہیں ہے۔

باھون نے کہا کہ میں جانتا ہوں کہ شام میں مخفیانہ طور پر موجود فورسز کتنی ہیں لیکن امریکی فوجیوں کی تعداد شام میں اس سے بہت کم ہے جو تعداد جنرل جرارڈ نے اعلان کیا ہے۔